شحالكن عرايسنا ,, 
ماطول عليكن
ابا مساعدتكن ,
ربيعتيه بتعرس الاسبوع الياي ان شاءالله ,,
ادعولها ربي يسهلها ع خير ويتمم لها فرحتها يااااارب ,,
المهم،،
تسألني من اليوم لين الاسبوع الياي كيف تنظم جدولها
للعلم هذا اخــــــــــــــر اسبوع لها
بليز بنات انا بحط الجدول وانتو رتبوه لي
خص المعرسات والي جربو هالشي
واتمنى تراعون بشرتها الحساسه ,
– مساج كامل للجسم
– فيشل
– بديكير
– بودي سكراب
– حف الجسم -واكس-
-تشقير الجسم كامل
– الحواجب وحف الشنب
وطبعا اكيد اخر شي قبل العرس بيومين ,, الحنـــــــــــا
بنات بليز ابا الترتيب الصح شو تبدا ووشو تخلي اخر شي
انا اروحي ماعرف والله يعيني فـ عرسيه >.<
وتشكرااات
up
انابعد عرسي الاسبوع الياي .^
وبخبرج ترتيبي وخليها تسوي نفسي اذا يريحها
اول شي انامشقره جسمي كله من يومين وبرجع اشقره ليلة العرس عشان يكون فررش ومايضر اذا اكثر من مره اشقر >>يوم الملجه جي سويت
بنقول اذا العرس الاربعا الياي مثلااا واليوم الجمعه
بنبدا كل شي من يوم السبت يعني من قبل العرس ب5 ايام
يوم السبت: واكس الاييد والريول كامل واذا بتسوي خيط حق ويهها او حواجبها بعد زين يوم السبت عشان تعطي بشرتها فرصه ترتاح وتسوي بس بديكير..المناكير خلها قبل العرس بيوم اخير
الاحد: تتحنى وممكن تسوي مساج نفس اليوم وتسوي سكراب للجسم كله قبل الحنا بس الاماكن اللي بيي عليها الحنا ماتستخدم عليها الليفه المغربيه عشان ماتفتح المسام وعقب بيحرقها الحنا..يعني الليفه الناعمه تفي الغرض
الاثنين: اذا بتسوي ليلة حنا بتكون ها اليوم واذا مابتسوي ممكن تسوي سكراب بعد هاليوم واذا تبا فيشيل ووايتننج للويه فقط
الثلاثا: ها اليوم ليلة العرس طبعا.. ترجع تسوي تشقير للظهر والبطن والصدر وتقدر تسوي فيشيل هاليوم بعد عشان ينور ويهاا للعرس وبالمره تسوي منكير
الاربعا>>>>>يوم العرس وبالبركه مقدما ^^
ودعواتكم لي ><