قدمت استقالتي و الحين؟؟

اشحالكن خواتي؟؟؟ عساكن بخير و سهالة…
فالبداية احب اقول انه هاي اول مشاركة لي فالمنتدى من ناحية اني اكتب موضوع مستانسة
لاني انقبلت عضويتي من جريب الا و انا من قبل كنت بس امر و اقرا، و مثل هالمنتدى ما قد شفت الصراحة فعلا أسرني و سجلت فيه… و لين هالوقت كنت استحي و اتردد اكتب عن مشاكلي و همومي بس قررت و صممت اني اشارك و اكون عضو فعال مثلكن
اوكي ندخل في صلب الموضوع… انا صار لي 3 سنين ادرّس و هاذي سنتي الرابعة… الصراحة انا عيزت و كرهت التدريس (اساساً مش حابتنه من البداية بس دخلت عشان اخفف عن اهلي شوي) اللي كرهني في التدريس النظام المتبع الحين في مدارس المجلس… وايد كراف و دوام لين 3 او 4 و شغلة المعلمة الحين تشمل كل شي (يعني معلمة و ام و اخت و اخصائية اجتماعية و نفسية و دكتورة و خياطة و شغالة و الخ الخ…. انا حاليا اتكلم عن المكان اللي ادرس فيه و من الخاطر تكرهينه غير انه المعلمات اللي وياي مصبراتني) و اللي كرهني فالتدريس اكثر مديرتي و الموجهة السنة اللي طافت… تخيلو اتناقش ويا الموجهة بعد ما حضرتلي و ما تخليني اشرح وجهة نظري وفالخير اتقول عني وقحة!!! هل الحين لاني ما ابا ادرس بطريقتها يسمح لها تقوب عني جيه؟؟؟ و المديرة ساكتة و لا قالت شي… و بعد كم يوم المديرة تبا توضح اللي صار و بدل ما تجحلها عمتها، اونه اتقولي اني ما اعرف اوصل المعلومة للطالبة و بنظرها هذا هو المعلم الفاشل
من هاييج الساعة و انا افكر فالاستقالة… طلبت نقل بس ما تم. و هالسنة فوق ما يالسات اندرس و انداوم لين القايلة، مديرتنا مب حابة تستعين بمترجمة حق المدرسة و طايحة فينا نحن مدرسات الانجليزي اترجملها… الصراحة لاعت جبدي و مالي خلق لا ادرس و لا اسوي شي من الحين ما عاد عندي ذاك الاهتمام نفس اول
من اسبوعين تقريبا قدمت استقالتي ع اساس انهم يوافقون على اخر السنة ان شاء الله… الحين بعد ما استقيل ما اعرف شو اسوي؟؟؟ قدمت في كل مكان و لين الحين ما في جواب الا من رحم ربي و معظمهم في بوظبي… العين يبالها واسطة في معظم الاماكن مع انه عندي دورات تدريبية و الايلتس بسكور وايد زين و احسن بعد عن بعض المدراء وما عندنا دورات تعليم دخون و عطور و لا اكسسوارات او حتى خياطة و حياكة… ودي اتعلم بس الكتب و النت مب دوم اوكيه… انا وحدة تحب العملي، لازم اشوفه جدامي عشان اعرف صح…
بشو تنصحوني؟؟؟ شوروا علي شو اسوي و وين اروح اقدم….
عاللي كتبته بعدني احس ما كتبته عدل… السموحة منكن خواتي….

الله يعينج انا يالسه في البيت من 6 سنين لا شغل ولا شي قالولي قدمي في مدارس قلت مستحيييل اقعد في البيت ولا اشتغل في مدرسة

الله يعينج ..

ييتي على العوق

أنا بعد أبا أقدم استقالة…..و أحاتي باجر ان قعدت في البيت شو بسوي

واني أحصل وظيفة ثانية لازم واااسطة

بتقولين تقديم الاستقالات خلص……بس أنا عندي ظرف خاص وبقدم ان شاء الله قريب

أنا ما أريد أزيدج بس خلاااااااص التدريس استوى ما ينطاق خاصة عقب المجلس

أنا حاليا أفكر أبدء مشروع خاص بتسلى به لين ما أحصل وظيفة ثانية

واللـــــــــــــه كريـــــــــــــــــــــــــم

الله يعينج

ْْْ استغفر الله الذى لا اله الا هو الحى القيوم واتوب اليه ْْْْ