هلا خواتي ..
اشحالكم ؟؟ عساكم بخير …
بنات اليوم قررت احارب الشحوم وانظف جسمي …
وان شاء الله تكون عندي هالارادة على طول …
واتمنى القى حد يشجعني .. لانه البيئة اللي انا فيها موووول ما تساعد على الريجيم …
بو الشباب مسافر ويايه بيت أبوي .. وأبوي – الله يحفظه- كله يتحراني ما آكل .. ودوم يقولي شكلج مب ماكله .. وغصب آكل …
وأنا الصراحة خاطري اضعف قبل لا اسافر وما بقى شي على سفرنا ..
وقررت الآتي ..
اتبع ريجيم أختي مهرة الحمادي …
رجيم خطيييير ينظف الجسم وينزل الوزن بشكل فضيع ف عشر ايام
________________________________________
اشربي على الريق : كوب ماء دافئ مضاف له ملعقه عسل + ملعقه ماء ورد
+ نصف ليمونة مفيد لإنقاص الوزن والحصول على الرشاقه ونضارة الجلد وصحته .
(( خلطة صينية , و هذا هو سر رشاقة الصينيات )) …
ثانياً : البرنامج
اليوم الأول : ماء فقط ( لتصفية الجسم من السموم )
اليوم الثاني والثالث : فواكهه مشكله ( أي نوع ) ماعدا : المانجو والموز والبلح
اليوم الرابع : عصيرات طازجه .
اليوم الخامس والسادس : خضروات طازجه مشكله .
اليوم السابع : خضروات وفواكه
اليوم الثامن والتاسع : ألبان ومنتجاتها ( قليلة الدسم )
اليوم العاشر : ماء فقط …
—————————————–
اليوم الأول : بس ماي … وان شاء الله اقدر استمر …
وأنا عايبني انه اليوم بس ماي … لأنه الماي اصلاً دوا … ينظف الجسم من السموم … ووايد منه فوايد … والقدامى كانو يتداوون بشرب الماي ..
الحمدلله ما عندي شراهه للأكل بس بيتنا الله يحفظهم لازم تيلسين معاهم عالسفرة … واذا يلست لازم امد ايدي … اليوم قررت اقاطعهم … لوووول
ادعولي استمر …
واللي تبى تبدأ معاي عسب نشجع بعض …
(( اللهم اني اعوذ بك من نفس لا تشبع ))
ما حبطج ،، بس اهم شي صحتج
المشاركة الأصلية كتبت بواسطة Mute 
ما حبطج ،، بس اهم شي صحتج
هلا الغالية…
تسلميييييييييين عالرد .. وربي يعطيج العافية …
لا ان شاء الله اليوم بستمر على شرب الماي بس …
الغالية الماي فيه وايد عناصر غذائية يحتاجها الجسم …
وقريت قبل موضوع عن الماي … انه الانسان يقدر يعيش اربعين يوم بس بالماي …
إن شاء الله يعدي هاليوم على خير …
ان شاء الله تستمرين
زين كم وزنج وكم تبين توصلين؟؟
بشرينا بالنتايج …
المشاركة الأصلية كتبت بواسطة mallak24 ان شاء الله تستمرين
هلا الغالية ..
تسلمييييييييين عالرد … وربي يعطيج العافية …
أنا قبل ما عندي ارادة ابدأ بريجيم واخربه … بس يوم يكون عندي مناسبة ولازم انزل وزني … التزم شوي …
بس هالمرة مصرة ان شاء الله … احس وزني يالس يزيد وانا ساكته …
وحاطه في بالي 10 ايام بتغير حياتي …
مب وايد لو صبرت عشرة ايام بس …
وان شاء الله استمر وما اخرب …
المشاركة الأصلية كتبت بواسطة Mute زين كم وزنج وكم تبين توصلين؟؟
بشرينا بالنتايج …
هلا غناتي …
ان شاء الله استمر … وما اييني شي يخرب علي …
وزني للأسف حالياً واصل 73.8 … وايد مقهورة أول مرة يوصل وزني لهالرقم …
يوم كنت حامل فالشهر التاسع وصل 75 وكنت وايد محبطه ..
وهدفي هالمرة 60 … وعقب 55
ابى ارد وزني شرات قبل …
وان شاء الله تاريخ 14/6 اخبركم بالنتايج النهائية …
ربي يعطيج العافية ..