عسأآاآكمـ من عواده العيد يا رب
قصتي قصه ويا مستشفى الكورنيش
ابى تشيروا علي واللي عندها خبرها ليتها ما تتعايز تكتبها لان صج محتايه اسمع لكل وحده عندها خبره فهالموضوع بالذات ان هذا حملي الاول (بجر)
انا بديت مراجعاتي ويا مستشفى الكورنيش وانا بالشهر السابع والحين انا بالتاسع ان شاء الله
وفكل موعد يسون لي نفس السالفه الجنين صغير متأخر عن اسابيعه باسبوعين
ويطرشوني اسوي (سكان= الترا ساوند) ودكتورة السكان تقولي كل شي طبيعي الماي اوكي الوزن اوكي النمو مكتمل التغذيه من المشيمه للجنين طبيعي
بس يظهر وياها فالكمبيوتر ( مثلا اني فالاسبوع 36 مع اني فالاسبوع 38)
وطرشوني يمكن 6 مرات اسوي تخطيط وكل مره يقوليلي التخطيط نووووورمل الحمد لله
في مره قالولي نموه بطئ بعدين قالوا لااااا هب النمو بطئ الوزن والحجم صغير
لعوزوني وشللوني هم حسبي الله عليهم
المهم ثبتوا ان الجنين صغير
وقبل عشر ايام سوولي صوره قالولي وزنه كيلوين وميتين جرام .. وقالولي بعده صغير مقارنه باسابيعه
عاد عطتني موعد يوم الاربعاء هاي اللي طافت من يومين وسرت جان تظهر الدكتوره وتسير عند الاستشاريه وترد
قالتلي انتي لازم نولدج تاريخ 10 يوم العيد يعني اليوم وبعدين لا تخافين انتي دشيتي التاسع يعني ممكن تولدين فاي يوم دام الجنين وصل التاسع (الحمد لله )
قلتلها ليش
قالت الجنين نموه بطئ وحجمه صغير ولازم نظهره … بنعطيج طلق وبنولدج
كشفت علي قالت بسويلج توسيع ومن وقتها ينزل علي سمحولي على الكلام اللي بقوله بس والله مظطره شرات المخاط بس هب وايد ويوم الخميس نزل وايد واليوم رد ينزل شوي
ما احس بويع طلق ولا سرت لهم بصراحه وايد خايفه
دام تقول الجنين حجمه صغير عيل كيف بيساعدني يدفع عمره
وخايفه من الطلق
واحس كلامهم هب منطقي
وموعد ولادتي 25/9 يعني باقي اسبوعين ليش ما يتريون ؟؟؟؟
شسوي حريم
شورن علي
وهذا لي مثل المخاط يسمونه بشاير الولادة
بخبرج سالفتي
في حملي الثاني ببنتي عطوني موعد واحد من الشهر ولادة والدكتورة كانت مسافرة وبترجع 2 من الشهر فحولتني ع دكتورة ثانيه هنديه الله لا يسامحها وعطوني موعد 30 يعني قبل الشهر بس عشان اتعرف عليها قبل ما اربي
توني داخله عليها جان تقولي موعدج عقب يومين طيحي بكشفج اقولج طرطرتني تطرطير فجت المنطقة 3 سم من غير ما تشاورني وخلتني اصيح طول الطريج
وقالتللي باجر طلق صناعي ولا الياهل بيتضرر
وسوولي وجفت الموت بعينه لا وتواجعني بعد
يوم يت دكتورتي تمت تواجع قالت مايج طلع ابيض مب اخضر ليش ولدج ومول ما يخطتني عدل تبطلن الغرز
ما اقول غير حسبي الله ونعم الوكيل خلي الويع ايي من الله وشربي حلول وطبيخه
والله يسهل عليج انشاء
والطلق الصناعي اييب النسيان ويسوي فقد للذاكرة في عمر مب كبير
مشكورة عالرد
بس انا اوسوس اخاف يصير شي عالبي بي لا قدر الله واندم طول عمري 
المشكله كل مره يدخلونج عند دكتورة وبصراحه احس كفاءةالدكتورات هب لين هناك ما ادري ليش .
قالت يمكن تكون المشيمه ما تقوم بدورها ويمكن ويمكن ويمكن الجنين يستويبه شي ولااااااازم نسوي طلق صناعي
وسالتها عن الطلق الصناعي وشرحتلي وبعدين خفت وقلتلها لا ما بسوي و وقعتني على اوراق اخلاء مسؤوليتهم
وانا اتحمل المسؤليه اذا استوى شي
وطبيتها وقلت الله الحافظ والحمدلله ربيت طبيعي ف نفس اليوم اللي محددينه من قبل
ادري تكلمت واااايد وصدعتج هههههه بس عسب احطج ف الصوره
وعطوني موعد الولاده 14/8 وانا كنت حاسبه لعمري 25/7 وفعلا ربيت بس 26/7 وما تحيرت
وانتي حتى لو ابطيتي في الولاده شوي لا تسيرين ولا تلعوزين عمرج لانج بجر
ومتى ما حانت ساعة ولاده تراج بتربين نحن لنا حساباتنا وربج اعلم متى اصلا مكتوب له ينزل
عليج بقراءة سورة مريم وامشي فديتج وربيه يسهل عليج ولادتج