بقولكم اليوم قصة خالي (ولد عمة أمي)..
خالي عبدالله كان متزوج وحدة من الاهل.. وسبحان الله تموا فترة طوييييله بدون عيال (حوالي ١١ سنة)
خالي عبدالله ماشاءالله عليه رجل متدين وخلوق "نحسبه كذالك،ولا نزكي على الله احد"
مرة من المرات سمع صريخ من بيت الجيران ويوم سار صوب الصوت شاف بيت جاره يحترق ، فدخل خالي وحاول يساعدهم وما قدر ينقذ غير الرضيعه، أما الام والاب توفوا بسبب الاختناق والحريقة..
واعتقد بعدها خالي استاذن من اهل الرضيعة انه يربيها و وافقوا..
بعدها بفترة حرمته حملت … بعد صبر ١١ سنة،وتخيلوا بشو الله رزقها؟؟؟
سبحان الله ، الله رزقهم ب٣ اطفال "توأم"
بنتين و ولد
والولد مااااشاءالله عليه واااايد يشبه البنت اليتيمة كانهم اخوان..
انا اول مرة يوم شفتهم حسبتهم اربعتهم اخوان وبعدين قالولي قصة خالي.. بس امي ما تحب انشر القصة مراعاةً لشعور البنت اليتيمة "لاني اعتقد للحين ما خبروها عن قصة اهلها" بعدها صغيره…
فسبحان الله صبر ١١ سنه واول ما كفل اليتيمة، الله رزقه بتوام ثلاثي…
خاطري اكفل يتيم بس ظروفي ماتسمح
وانا بخاطري اكفل يتيم
شكرا عالمرور… اممم عادي ادعي الرزاق انه يسهل امورج..
خالتي ماشاءالله عليها تكفل يتامى من عايلتها، بمبلغ بسيط
اهم شي النية…
ام حناني
آآآمين..
شكراًعالمرور حبيبتي..
سبحـــآان الله ربج يمهل ولا يهمل
ماشاء الله عليه خالج اجره كبييييييييير ان شاء الله
الله يقدرني على كفالة يتيم يااااارب
مشكورة حبيبتي ع الطرح
مشكورة عالمرور حبيبتي…
والله يقدرنا جميعاً نكفل اليتامى..آآآمييين
حسبنا الله سيؤتينا الله من فضله انا الى الله راغبون