.. بحط لكن قصه واقعيه.. طبعا هب قصتي .. قصه منقوولة نقلتها لكن من
احدى المنتديات اختي خلتني اقرا وعيبتني القصه ^^
والهدف من طرح الموضوع للعبرة والموعظة والافادة .. وانا بحط القصه ومابلووونهـاا بالاخضر والوردي ..
عسب ماعور عيونكن ^^
نبدا ..
هلا اخواتي بكتب لكم قصتي لعل وعسى ان ازرع الوعي في قلوب كل بنت غير متزوجه وتحب
كـل بنت تعشق شخص .. وهو مايعرف عن حبج ولا عن احلامج شي
نصيحة لوجه الله احذروا تخلون خواتكم او بناتكم يالسات عالكمبيوتر لفترة طويله وقافلين الباب
صدقوني مصيبه عظيمة ..
والحينه ببدأ بمشكلتي انا بنت جميلة واخلاقي عالية نشأت في اسرة محافظة ومشددة ..
في امور ماكنت اقبلها مثل سماع الاغاني .. مشاهدة المسلسلات او افلام
انا عمري 17 سنة ..
تعرفت على شاب من خلال الجات
كانت علاقة صداقة لا اكثر
كنت بنت في بداية انحرافي ..
كنت ارمسه على أساس انه اخوي و صديقي وهو نفس الشيء يحترمني ويعزني
يوم اتضايق اتصل به ..
وحسيت بأنه وايد يستحي يوم يكلمني بالتيلفون ..
المهم مضت على علاقتنا تقريبا سنه ونص ..
في يوم من الايـاام يــاالي رقم غريب .. يتصل يتصل .. وانا ما أرد ..
فـ عقب وصلي مسج ومكتوب فيه ( هلا .. كيف حالج ؟انتي**** صح ؟ )
وانا بويهي علامة استفهام … هــــذا الريـــال كيف يعرف رقمي .. انا بس اكلم واحد معقولة الي اكلمة يسوي فيه جذه؟
اضطريت ارد عليه بمسج .. كتب له ( بخير وسهاله هيه نعم انا **** .. انت اشعرفك فييه ؟ )
رد بمـسج ( انا براهيم ..ربيع سعيد الي تكلمينه اباج بسالفه ضروريه الليلة تقدرين تتصلين فيني ع الساعه 12 ..؟ )
انا كنت مصــــــــــــــــــــــــــــــــــــــــدووووووم ـــــــــــــــة وماعرف شو السالفة بالضبط ..
رديت عليه بمسج كتبت له ( ان شاء الله اخوي ) ..
وبعدين سرت نزلت الميلس يدووتي و بنات خالتي كانوا افبيتنا فـ كنت متضايجه وافكر بالسالفه..
انتظرت للســــاعه 12 ..
واتصلت عالريال بدون ماتررد ولاشياته ..
انا : السلام عليكم ….امممم انت براهيم ؟
هو : هيه كيف حالج شو اخبارج عساج بخيييير؟
انا : الحمدالله.. خبرني السالفه الحييينه ..
هو : اوكي ..الله يسلمج هذا سعيد واحد جذآب .. كله يتكلم عنج .. وراواني صورتج وانتي لابسه كآب..!!
انا : كييييييف جي متى تصورت وانا لابسه كاب اصـلآآ؟
هو: هي لابسه كاب يمكن ناسية ..
انا : انزين وبعدين ؟
هو : خلاص انسي سعيد هو عطاني رقمج وقالي فكني منها ..
انا : صج كل هذا يطلع من سعيد الصراحه انا مصدومة حيل ..
هو : هيه عيل كيف عرفت رقمج جفتي عآد هذا سعيد جي يسويبج المهم ماعلينا منه انتي كم عمرج ومن وين
انا : 17 ومن ****
هو : انا 18 وبنفس الصف بس انا مب وايد ويا الدراسة لأني ادرس واشتغل
انا : امممم الصراحه بعدني افكر بسعيد معقووووولة كل ها يطلع منه ؟
هو : هيه خلااااص عآد لاتتكلمين عنه اغار
انا : ههههههه كيف تغار وانت توك مكلمني مسرع
هو : لا والله انا من زماان اسمع عنج سعيد كله اييب طاريج فـ حبيتج ..
انا : اممممم
هو : انزين بخليج الحينه اباج اتصلين ركعتين وترقدين لأني برقد ..
انا : انشالله ..
( عقب سكرت )
ولا اسمع احد يدق الباب ..
اجوف الوالدة ..!!
قالتلي : شوكنتي تسوين تقرين كتاب؟
انا : هيه بقراه وخلاف بسير ارقد ..
——————————————-
هذا الجزء الاول .. والجزء الثاني ياي بالدرب
اهم شي عاد الردوود
الله يستر ع بناتناا وبناات المسلمين يااارب
كملي 00متاابعه حبوبة
اقر ا قصه ما مكمله ..
ثاانكس ع القصه ..
نزلي القصه بسرعه اختي
مشكوره خيتو نبا التكمله
بس مايستوي عاد.
تحطين كل مرة جزء ..