شاب راح يخطب وحده وتمت الموافقة على الخطبة ومن ثم الزواج المهم هو وش اللي صار ليلة الدخلة بعد ما دخل صاحبنا شقته مع زوجته وإذا بجواله يدق ويقوم خوينا يرد على الجوال ويدور الحوار التالي: الزوج : ألووووو. المتصل : السلام عليكم ورحمة الله وبركاته . كيف حالك يا (فلان) و ألف ألف مبروك . الزوج : وعليكم السلام وينكم يا أنذال ما حضرتوا الحفل يا تعبانين. المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.وذلحين حنا راجعين الديرة.((طبعاً الديرة تبعد حوالي 300كم )) الزوج : المهم تعشيتوا . المتصل : لا والله. الزوج : كم عددكم؟ المتصل : عشرة. الزوج : أقولك (حرام طلاق عشاكم الليلة عندي) قل تم. المتصل : يا ابن الحلال (غيير بدل). الزوج : يالله أنا أنتظركم مع السلامه. وقفل الخط. الزوجه المسكينه ميهي مصدقه اللي سواه زوجها ليلة الدخلة ثم قال يا فلانه أنا رايح السوق وراجع.===((على بالها بيجيب عشاء جاهز)) بعد ربع ساعه رجع الزوج ومعه أغراض العشاء . قالت الزوجة وش ذا . قال الله يسلمك قومي سوي العشاء لزملائي في العمل جايين من بعيد ولا تعشوا . في أثناء الحوار. وإن الباب يدق . قال هم ذولا وصلوا بالله همه يأمره. وراح عند ربعه يقهويهم. المهم المسكينة في المطبخ تقطع البصل و الطماطم بفستان الزفاف وعيونها تدمع وتقول في نفسها ( بكره برجع عند أهلي من الفجر وأطلب الطلاق) المسكينة سوت العشاء وتعشوا وراحوا لديرتهم المسكينة متضايقة .
و المفاجأة؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أن زوجها يدخل عليها ويرمي لها
بــ(50000)خمسين ألف قال هذا حقك قالت وشوا حقه قال الرهان اللي بيني وبين زملائي العشرة على كل واحد (5000) بأنك تطبخين ليلة الدخلة وش يكون ردة فعلك يا موافقة ولا لا وأنتي من كسب الرهان .
وتمت ليلتهم على خير و أصبحا أسعد زوجين .
اتمنى أن القصة أعجبتكم
منقول
الله يوفق الجميع وكل عام وانتو بخير وعيدكم مبارك
المشاركة الأصلية كتبت بواسطة سمره كيوت 
الله يوفق الجميع وكل عام وانتو بخير وعيدكم مبارك
هههههههههههه كل شي عشان الحبيب يهون هههههههههههههه
وكل عام وانتي بخير
عفان الله
معقوله فيه ريال يراهن بحرمته؟؟؟؟
و بعدين البنت تكون طالعه من بيت هلها في هاليوم تلتمس الحنان من زوجها و شريك حياتها …وتشوف ردة فعله المراهنه بها؟؟؟
اسمحولي بس هالريال مايصلح انه يكون زوج
ها بعده لازم يتم يلعب بلي ستيشن و يحوط ويا ربعه فالسيايير
لانه هالانسان مب ناضج
و مب كفو انه تكون بنت فالدنيا تودر هلها عشانه
الرسول وصى بها الليله و هذا يسويه جيه بالبنت
اعوذ بالله من هالاشكال …
و الله لايبلي بنات الناس بازواج من هالاجناس
لانه راهن علي زوجته كيف يسمح لنفسه
حاب يخلي ربعه يشوفون انه قوي ولا شو ؟؟؟
صراحه انا لو مكانها وربي اول مايقول انه كان متراهن والله لاترك البيت ومافيها رجعه ابداااااااااا
لان حرام ال سواه والاسلام مايسمح بشي من هالشغلات الغبيه
صراحه انا معصبه من هالريال الطماع والاناني
وكيف ماتضمن ان راح يسوي بعد كذا في حياته مراهنات ثانيه
صراحه هذا مب ريال
حتى لو يعطيني مليوووون ..
مابخطبخ لربعه …