█▓▒░ ◄قصة ولادتي الحزينة في مستشفى الكورنيش► ░▒▓█

جربت كل الولادات في يوم واحد وهالولادة من قريب

ياني الطلق ونا فالبيت تميت ساعه وعقب ماقدرت أتحمل ، سرت المستشفى النيرس حطت جهاز الطلق وقالت فيج تقلصات قوية، المهم فحصتني لقت فاتح 2 ونص تقريبا ، المهم رقدوني عندهم لأن التقلصات كانت قوية ، المهم خلوني امشي لين ماهلكت من الساعه 8 لين وحده فالليل طبعا مع بريك ربع ساعه
كنت امشي شوي وعقب اييني الطلق وا وقف مكاني ، الفجر يت النيرس تجيك شافت النفس فاتحة 4 سم قالت يلا على غرفة الولادة ( لأني طالبة ابرة الظهر ويعطونها تقريبا من 3 الى 5 سم ) المهم دخل علي دكتور البنج وكاني ( ألماني) ماشالله عليه ايده خفيفة وحبوب ، ريلي وخالتي فاجين حلوجهم وهو ييبغي يضربني الابرة ريلي يقولي يالمينونة لوشفتي الابرة كم طولها بيغمى عليج !! خفت من كلامه وعقب قلت للدكتور ( جو نو نيد ) طبعا هذا بعد ماشفت طول الابرة ،، جان يقولي فكري عدل لوووول من اييني الطلق أقوله ( كم كم هيري اي نيد ات بلييز ) ومن يروح أقوله مابا خخخخخخخخ طفرتبهم لين ماخلاص ماقدرت اتحمل الالم وعطاني ياها ونا اطلق واكثر شي تعبني هو اني لازم اقعد وانزل ظهري لاخر ريولي عشان يشوف الفقرات وقال حق ريلي يودها عدل ولاتخليها تتحرك المهم عطاني ياها وعقب خمس دقايق فرحانه واقول حق ريلي يلا نرد البيت مافيني شي والله العظيم ماحسيت بنقطة ألم !! يعني الابرة تجنن ومريحة واهلي يدخلون يشوفوني ينصدمون يقولون هذا شكل وحده بتربي ، من الساعه 9 لين 12 الظهر الرحم فتح 5 سم وعقب ماطاع يفتح مووووووول ، الدكتورة ملت مني جان تفتح المااااي و تعطيني طلق صناااعي ، المهم كانت القابلة اسكتلندية وتقولي ( ار يو شور ذات يور بيبي داون ) يعني متأكدة ان البيبي في الحوض انا مت من الخوف قلتلها ( اي دونت نو وااااي؟) جان تبق عينها على جهاز البيبي وتقول ( كيف الدكتورة تعطيج طلق والبيبي مب فالحوض ) انا هني حسيت الدنيا ظلمت في عيني ويلست اصارخ ازقر ريلي وامي وكل حد !! وشوي الا انتي الدكتورة والقابلة تقوللها ( كيف تعطينها طلق والبنت مب فالحوض ) وهي ترد عليها بكل برود ( دونت وري مع الطلق بتنزل) القابلة تشوفني وفيها الصيحة وعقب شوي جهاز النبضات طلع صوت انذار اهي اهي والقابلة تربع والدكاترة يووووني وشافو النبضات يالسة تنزل والبيبي وايد تعبت على طووول أعلنو حالة طواري

ودخلوني العمليات ونا ميتة من الصياح على بنتي مب عالعملية وريلي يهديني من صوب وامي تصيح من صوب وابوي من صوب كنت منهارة وبكل برود دخلوني غرفة العمليات بدون مايشرحون اي شي وخلوني بروحي ، وياتني دكتورة البنج عشان تزيد جرعة البنج لأنه خلص عني ، المهم جرحتني وهي تحط المغذي لأنها كانت ترمس فالتلفون وايد نزفت والقابلة الاجنبية نظفت النزف وهي ولا على بالها ، انيي للطامة تقولي المصرية تخدرتي اقوللها الجنب اليمين هي واليسار لأ تقولي انتي دلوعة اوي مستحيل ماتخدرتيش أقوللها والله ماتخدرت ، جان تلبسني ويدخلوني غرفة العمليات طبعا الاستاف كامل حريم مصرية وسوريه وعراقيه وهندية وماشالله حش في حش على سوالف العيال والطباخ ونا اكبر طاف لي ماراعو خوفي او شعوري ، واقوللهم ماتبنجت واصيح وهم مطنشيني يقولون تقولين هالكلام لأنج خايفة ، المهم قلت ( أشهد أن لا إله الله وأن محمد رسول الله ) ودمعت عيني هذا طبعا بعد مانشفت دموعي حسيت اني بموووت في هاليوم وأول ماحطو المشرط بدو من اليمين لين اليسار والا ماتحصل الدكتورة رفسة !! مني صراخي وصل لين غرفة الانتظااااااااااااااااااااااااار من الالم ، تخيلو قصوووووووووووني بالمشرط ونا مب متخدرة يالسة اصيح واصارخ ، وبكل برود قالولي حركي جسمج صوب اليسار عشان تأكد !! يالبقر تراني رفست الدكتورة باليسار يعني مب مخدرة صراحة غبيات ومهملات وااايد شوي والا كلهم ابتعدو عن ويقولون شو نسوي !! ونا اصارخ والقابلة تصيح وتصارخ معاي ( تقوللهم شي ويل داي ) وحليلها على طول خذت البيب مال البنج الكامل وحطته على ويهي ، واهلي خبروني يوم طلعت انه الدكاترة يوم كنت في العملية قالولهم البنت تبغي تخدير كامل وقعو شوفو الجذب وريلي وامي طاح قلبهم وحسو انه فيه شي لأن صارلي ساعتين من دخلت وعقب طلعو فجأة ومرتبكين ، المهم اهلي وقعو وشوي الا يشوفون 3 دكاترة يربعون غير عن الحريم قالولهم هذيلا حق البيبي مب بنتكم ، المهم

بعد 4 ساعات من المعاناة ودوني العناية المركزة ويحاولون يوعوني فوق الساعه ونا مانش ريلي يقول ضربوج ضرب على ويهج عشان تنشين ونتي ماتتحركين بعد الساعة ونص بديت انش وريلي حط بنتي على صدري يقولي شوفيها تخبل ونا ماشوفها اشوف ضباب ابتسم وأرد ارقد وعلى هالحال لين الساعة 8 فالليل من الساعة 2 الظهر ونا في غرفة العمليات ،، المهم ودوني الجناح وهني بدت المأساة نشين شووي ويالسة اصيح يبولي بنتي ونا أقوللهم شلوها ، أقوللهم طرو بطني بدون بنج واصيح وارتجف وهم يضحكون يقولون مسكينة بعدها تهاذي من البنج ، المهم تميت فوق النص ساعه ونا على هالحال أعيد الموال لين ماريلي يا عدالي ويالس يهديني وشاف ايدي كلها دم الاصابع حمر من الدم ، قالي شو ها ؟ قلتله ( المصرية يالسة ترمس فالفون وعطتني المغذي بالغلط وجرحتني بعد ) جان يفور دمه قالي ليش طلبتي بنج كامل !! قلتله انا ماطلبت وخبرته بكل شي انصدم وماسمع الا زعيج وصراخ وصوت ريلي يقول ( وين هالمصرية الخا… هاتوها عشان اطر بطنها وتحس ) ويسب ويسب والسيكيورتي يمسكونه واخر شي يابو مدير المستشفى الامريكي من البيت ، وياني ميت من الخوف يقولي بنحقق وهذي الاخطاء تحصل و و و و تم يرقع السالفة ، وريلي من صووووب يعطيه وهو من صوب يبرر ، المهم اليوم الثاني سوو لجنة تحقيق والقابلة الاجنبية شهدتلي شوفو الفرق هذي مسيحية وهذيلاك مسلمات ويجذبوووون ، المهم قالو بنتخذ الاجراءات الصارمة ضدهم و و و ،

اليوم الثاني طنشتهم كنت فرحانة بالبيبي وكلما اتذكر الي صار اصيح وعلى هالحال لين ثالث يوم اشوف البيبي وايد ترجع !! وبكميات كبيرة يعني تشرب شوي حليب وعقب ترجع 3 ادبال الي شربته ، شافوها وخذوها عني العناية المركزة وهني بدت المعاناة الثانية ، شلو الياهل وحطوها في الشيشة ونا وراهم تخيلو الجرح مابرى ونا امشي اصعد وانزل واوقف بالساعات الجرح كان يذبحني بس من اشوف البنت انسى ، المهم قالولي الياهل شربت ماااااي وايد عسب ججي خذناها وعقب ساعة الدكتور قالي انهم كانو خايفين علي وقت العملية ونسو الياهل في بطني وشربت واااااااااااااايد مااااي فديتها وماصاحت وهالشي سببلها فتحة فالقلب وقالولي فيه صوت في القلب ، واليوم الثاني قالولي في حل واحد تعرفون شو !! نشق الصدر ونغير الصمامات وماعرف شو وعقب بتسكر الفتحة !!! قلتلهم أشوف كبش فيكم يمسك الياهل جي عايبتني و24 ساعه شالتنها مطلعتنها من الشيشة واحضنها واصيح الوي عليها وأردها مكانها ماتطوف ساعة الا ونا عندها اتم فوق ال 40 دقيقة واسير ارتاح شوي وفي الليل يبدى موال الصياح اقول حق ريلي واحشتني ويرد يوديني عندها ومن اشوها يبتدي الموال الثاني اصيح وماطيع اعطيهم ياها اقوللهم بوديها معاااااي المهم 5 ايام على هالحال ونفسيتي زفت في زفت حتى الحليب نشف مني

والمهم طلعتها على مسؤوليتي وطبعا يبت دكتور قبل من برع وبالغصب دخلوه كان زائر في مستشفى خليفة ، قالي اذا هالياهل الفتحة في قلبها ماتسكرت قبل ماتكمل 8 شهور انا مب ريال وبستقيل !! قالها جدام كل حد ، قالي شلي بنتج ورحي بيتج وماعليج من حد وهالشي في 70 % من الياهل الي يشربون ماي او مايصيحون وقت الولادة يوم قالي جي طرت من الفرحة على طول شلتها ولبستها ملابسها واربع فيها والنيرسات يقولون ( نت ا لاود ) يبوني اوقع والدكتور يوقع واللجنة يعني مابخلص الا بعد 5 ساعات ! دخلت على اهلي الجناح في المسشفى ونا شاقة الحلج وشايلة بنوتي وهم متخبلين الي يصارخ والي يصيح والي يسجد

***** مستشفى خرطي وادارة خرطي ودكاترة بقر
**** نصيحة لوجه الله اي وحده بتسوي عملية تدخل حد معاها غصب عنهم لان بلاوي تستوي هناك ومحد يشوووف
*** التحقيق طلع وتحول لمدينة خليفة الطبية وكبر و و و واخر شي يوم دقولنا للحضور والشهادة قلت حسبي الله ونعم الوكيل مابقطع ارزاقهم كان فوق ال 10 بينقطع ارزاقهم بس انا تنازلت وطنشت ، وسمعت ان ماخلوهم في حالهم حاكموهم
** اي وحده بتاخذ ابرة الظهر انصحها تخلي دكتور اجنبي وتبعد عن العرب ، والابرة تجنن ومريحة فوق ماتتصورون
* الي بتسوي قيصرية تخلي دكاترة رياييل يسوولها الحريم بقر ومايعرفون شي

******** صح كلام الدكتور يوم بنتي كملت 6 شهور تسكرت الفتحة الحمدلله والشكر

المهم مبرووووووووووك عالبنوته و تتربى فعزكم بس ما خبرتينا شو اسمها

وفعلا انا الصراحه ما انصح وحده تربي في الكورنيش

والله على المستشفيات يسووون فينا بلاوي في غرفة العمليات
الاهل ولا يدرون شو هالحال

خصوصا المصرية اللي عطتج الابره في يدج والله اني حسيتها في يدي الله يقطع يدها حسبي الله ونعم الوكيل فيهم الله لا يوفقهم

جي بتعطينهم فرصع يذبحون وحده غيرج ويذبحون عيال الناس الله اكبر عليهم

حمدلله على سلامتج اختي وسلامة بنتج