قصة ولادتي حياكم

قصة ولادتي قمة المأساه .. تقدرون تقولون فلم هندي استوى .. بس يلا قدر الله وما شاء فعل

كانوا عاطيني موعد 21-7

وقبل الموعد مول ما اداني امشي .. اتعب بسرعه

وكل يوم انا وريلي ضرابه .. قومي بوديج البحر امشي وامشي واي حد يشوفني اونه ليش ماتمشين وفلانه تمشي وعلانه تمشي وانتي يلسي ..

قبل الموعد بيوم اهلي يوووني اونه يزروني ويطمنون علي على الساعه 11 فالليل .. هاه فلانه ماتحسين بشي مني مناك ويع آلام ؟؟؟ :

وانا اضحك واقول لا مول ما احس باي شي شكلي بدش العاشر وما بربي

وقعدنا وسولفنا وضحكنا وكلنا وروحوا بيتهم..

وانا دوووومي مواصل ع النت وعلى الماسن :

.. الساعه خمس الفير كنت مندمجه ع المنتدى حسيت بمغص خفيف فبطني .. وما حطيت في بالي لان من كم يوم نفس المغص احس به ومن ارقد يروحد قلت بسير اييب تلفوووني من الغرفه مادري شو ياني عليه

ويوم يبته يلست بدفاشه شوي ع الكنبه .. يعني نقزت عليها .. حسيت شي نزل جان ازييييغ وركيض الحمام

شفت انه نازل لي مااااي وحسيت ريحته غير له ريحه مميزه .. قلت الله واخيرا شكلي بربي
جان اغير وجي ورديت ايلس مره ثانيه خخخخخ

وحسيت الالم يزيد ويزيد .. جي نفس الحيسه فبطنج .. بس اتيي وتروووح كل ربع او نص ساعه نسيت احسب كل كم ساعه من الزيغه

يوم يت الساعه 7 خلااااااص ما قدرت اتحمل الالم قلت بسير امد ظهري يمكن يروح كالعاااده

رحت اتسدحت ع السرير واطالع ريلي رااااااااااااااقد بسابع نومه .. قلت فخاطري ما بوعيه الحين ليييين ما احس خلاص بنفجر ..

لان حاطه في بالي ما اروح على طول المستشفى ادري بيلعوزوني وجي
وغمضت عيوووني وقمت اصييييح من الالم ما قدرت ايود عمري ..

نش ريلي من رقااااااااااده متروع : اشفييييييييييج بسم الله عليج ؟؟

انا والدموع اربع اربع: بطني يعورني بمووووووووووووووووووووووووووووووووت ):

ريلي : كله من اليلسه ع النت والمواصل .. رقاد ماشي اكل ماشي .. (فتح لي محاضرته اليوميه|) خخخ

قال لي رقدي رقدي بيروح الالم ان شالله وتم يقرا علي اونه .. (فديته والله)

وانا ماشي اتقلب في مكاني من الالم .. ومع هالشي اقولكم ألم تقدرين تتحملينه لين هني انا متحمله شوي

ريلي: قومي البسي واتجهزي بوديج المستشفى كيف اخليج جي

انا : لا توو الناس اتريا لين 12 بسير ..

ريلي اي 12 انتي الحين جي حالتج

انا طبعا كنت مجهزه قبل يومين غرشة ماي زمزم قريت فيها ادعيه تسهيل الولاده وكم حبه تمر اونه باكلهم حزه الالم..

قلت لريلي هات غرشة ماي صغيره بالثلاجه وتمر .. ويوم يابهم الماي بارد مااا ينشرب بس شسوي محتايه اي شي يخفف عني .. شربت شوي ويلست اكل تمر ..

وعقب ياني الالم ورديت انسدح وامسك المخده واصيييح.. ولا ريلي راح يزقر امه..

يوم دشت علي انحرجت منها اتشوفني بهالوضع اصيح .. جان اسكت.. تقول لي من متى ياج الالم وقومي امشي شوي بالحجره لا تنسدحين جي .. واقوم امشي واول ما طلعت اقفل الباب وانسدح واصيح خخخخ ياربي والله مأساه

قلت انا ليش ما اسير اخذ دوووش سريع يمكن يخف لو سبحت بماي حار .. شليت عمري غصب وكيف سبحت ما ادري من الالم . .
وريلي يدقدق الباب برع طلعي وطلعي وفتحي الباب وليش تقفلينه خخخخ عيل ما اتخيله مفتوح وانا اسبح اويه فشله

عقب استسلمت للامر الواااقع ولبست عباتي ورحنا انا وريلي وامه المستشفى ..

من الالم نسيت ادق لاهلي اخبرهم ويوم وصلنا هناك قبل لا ادش قلت لعمتي دقي لخالتي (كانت متحمسه تحضر ولادتي) وامي خلهم ايوووون ابااااااهم

ودشيت غرفه ما قبل الولاده.. ويت الدكتوره اتشيك .. كم فاتح وانا قريت بالمنتدى انه يعور وااااااايد
جان اقوم ازاعج وما خليتهااااا .. وتدش عمتي واروووغهاااا.. طلعي برع وطلعي برع ..راح المستحى منها .. خخخخ

وعقب استسلمت وخليتها اتجيك وصارخت صريخ اليهد يعور وااااااااااااايد ..قالت مفتوح 4 سم

قلت والله زيييييييين يلا هانت ما باقي شي .. وحشرتهم متى يعني بربي ومتى بربي .. والنيرس الله في معلوم انا مافي معلوم .. وانا ماشي خلاص حسيت اني موووول مب قادرره اتحمل..

قام المغص يزيييييييييد والله ما ادري شقا اوصفه خصوصا للي ماجربن .. ترى والله يذبح ما اتوقعته جي
حسيت نفس الكهربا بجسمي وشي يقبض بطني ويعصره قوووو وكل مره اقوى من الثانيه

ركبوا جهاز التخطيط مدري شسمه ع بطني يشوفون قوه الطلق .. وانا اصارخ.. شوي دشت امي وخالتي ومن شفتهم قمت اصيييييييييح شرات اليهال .. ودوني غرفه من الغرف وقالوا شكلج مطوله اتريي هني

واسميني صارخت شليت المستشفى وقسم الحوااامل اصرخ باعلى صوت من الالم .. يالسه اكتب لكم وعيوني ادمع يوم اتذكر الالم..

وامي تشوفني وتصييييح وتقرا ع راسي ..
وعمتي اونه قومي امشي مب زين تنسدحين .. وانا خلاص مب متفيجه امشي شو امشي وانا جي ركبوا لي مغذي ونشيت اونه امشي .. بالغرفه .. وكل ما اييني الالم امسك الحديده مال الباب واتصييييييييح .. ياااارب كيف انا للحين عايشه عقب هاذاك الالم مادري

دشت حرمه عيوز شكلي حشرتها من الصريخ .. وتقول لامي امسحي على بطنها بزيت زيتون وخل تشرب ماي زمزم وتاكل رطب .. ونحن جي انسوي ايام قبل وانا جي اسوي لبنتي الحين بعد بتربي ..

وانا اقول فب خاطري اووووه ما ابا حد يقول لي سوي وكلي .. ما كان لي خاطر شي ابا اربي وافتك

وحاشره خالتي وامي وعمتي متى بربي ومتى بربي

وهم الله كريم حبيبتي وجي الم الولاده وانتو كيف ييتوو وكبرتو ومن هالخربطان
ومرت الساعه 10

و11
و12

ويابو الغدا وامي الا تاكلين انتي ماكلتي شي من امس واكلتني غصب

وراحت البيت ويابت زيت زيتون ورطب وماي وشربتني .. وانا هني خلاص انهد حيلي من الويع..

جان ارجع كل شي كلته ع السرير وعلى ثيابي وعلى شعري,,

ياربي والله دموعي بعيوني يوم اتذكر

ومرت الساعه 1
2
3
وريلي كل حين يدق لي وما ارد ما اروووووووووم

ويدق لامه هاه شوو صار عليها ربت ولا لا .. وامه تقول له بعدها بعدها .. وخواته كل حين يدقووون

وريلي روح البيت مسكين عيز من يتريا برع يستحي يدش عند امي وخالتي اونه

ويت الساعه 4

وخمس
وانا قمت ازااااعج شليت الدنيا والنيرسات يدشون يقولون سكتي القسم بيتخبل منج والريايل يسالون منو هاي اتصرخ جي واتنفسي زين

وانا خلاص طززززز في الدنيا كلها الم فظيع كهربا قامت تسري بجسمي .. والله ما ابالغ

ويت الدكتوره اتشيك .. وقالت مفتوح 7 سم .. وطرت جيس الماي..

وعمتي حاشرتني قومي امشي وامشي .. وقمت امشي والماي ينزل واونه ما عليه زين الشي الحييين

وعقب يا ريلي ودش .. وقال لامه وين البنت تروم تمشي ويلسني ع الشبريه وانا ماسكه ايده واصييييييييح

وعقب ودوني غرفه الولاااااااده .. وهناك بدت فصول المعاناه

النيرسات والدكتوره فيهم برود الدنيااااا .. يسولفون ويضحكون وانا اتقطع فمكاني

ومعلقه على متى بربي ومتى بربي

وهم اكبر طااف

وعقب قمت احتشر .. انتو عديمات احساس ما تحسوووون ومدري شوه قمت اهلوس
ويقولون يلا سوي بوووش.. واسوي مره ومريت وثلاث وعشر وماشي فااايده .. ما احس في شي بينزل نفس ما قالووو.. والدكتوره تقول not yet ماعندها غير هالكلمه .. وانا اسالها متى عيل متى!!!!!!!!!!!

وهي طاف طلعت برع ترمس بالتلفووون .. وانا احس اني افقد الوعي وارجع .. اصرخ

شوي واشوف يدتي داشه علي غرفه الولاده خخخخ من وين طلعت مادري .. جان استحي منها واصرخ طلعي بررررررررررررع .. ابا ريلي وين ريلي واصييييح خخخخ

ويا ريلي ووقف عند الباب يطالعني وانا ازقره واصيح .. ياربي

وهو واقف يطالعني وقام يصيح ..

وانا خلاص ماشي خلص البوور كله يت الساعه 7 وماربيت؟؟

اتخيلو من 5 الفير وانا اعاني ومب ماكله شي وتعبانه من الصريخ خلاص ما اروم اسوي بوش

يت عقب دكتوره عراقيه شيكت علي .. سمعتها تقول لامي وريلي البنت تعبت وايد والبيبي ما نازل فالحوض اصلا .. لازم عمليه ..

جان اقووول عااااااااااادي بليييز الله يخليكم سوو لي عمليه بموووت

وامي لااااااااااا .. بنوديها مستشفى ثانيه اونه .. وسمعت الدكتوره تحتشر خلاص نحن ما بنحولكم روحو وشلو البنت بسيارتكم ع مسؤوليتكم ووقعو تعهد نحن ما يخصنا اذا انفجر الرحم .. اسميني اتروعت يوم قالت جي

عقب قالوا خلاص عمليه .. ويوم يودوني غرفه العمليات اطالع ريلي واصييييح .. كنت ابا اكلمه بس ما قدرت اهلي كلهم فوق راسي .. واهله وخواته واخوانه الشباب بعد لووول

وانا احلى طاااف صريخ لين غرفه العمليات

يوم دخلت شفت دكتور البنج قلت له الله يخليك بسرعه ابا بنج ما ابا احس فالدنيا تعبت خلااااااااااااااص

قال لي ما عليه .. عمليه بسيطه يوم بتقومين بتشوفين البيبي مالج وبتنسين كل شي

ضربني الابره فيها سائل نفس الحليب.. ومن عقبهااااا .. ما حسيت بشي الاااا يوم كنت ع السرير بالغرفه خلاص ..

اول م فتحت عيوني شفتهم طلهم عدالي وشفت اجهزه الدنيا مركبه لي ..

جان اخوز الاوكسجين وحاولت ارمس بس حسيت مافيني صوووت مول من الصريخ اللي صارخته..

وكنت ارتجف واااااااااااااايد ارتقل من فوق لتحت .. والغرفه متروسه حريم اف منهم ما وقته يزورون

قلت لريلي

وين ولدي؟ ابا اشوف ولدي؟؟؟

يقولون يابوه لي حطوه فحظني وكنت ابا اصيح بس شلوه بسرعه لان كان ضغطي وااايد مرتفع

بس انا ما اتذكر اني شفته ولا شليته؟؟ كنت تحت تاثير البنج بعدني ..

الفير رديت بطلعت عيني .. ومسكت تلفوني بالغصب وطرشت مسج بصعوبه لاختي ..شفتي ولدي؟ حلوو؟؟
ما شفته انا خخخخ متفيجه

وعقب يابوه لي مره ثانيه يلست احضنه واصييييييييييييييييييييييييييييييييييييييح

يوم شفته نسيت التعب كله والله

عمري ما توقعت اولد قيصريه كنت ابا اشوفه يوم يطلع مني .. كنت اتريا هاللحظه لكن قدر الله وماشاء فعل

ادري طولت عليكم بس دشيت فالتفاصيل عسب اتعيشون الجووو وكل وحده قريب ولادتها تكون بالصوره مب تنصدم بالم الولاده .. والله ييسر ويسهل على كل حامل ولادتها

اتريا ردودكم الحلوه ^^

يالله دمعت عيوني بصييييييييييييييييييح اتذكرت ولادتي

اهئ اهئ

مبروك ماياج والحمدالله ع سلااااامتج

بس شو حبوبه هاي اول ولاده والا ؟

مبرووووووووووووووووووووك الغاليه وربي يحفظه

الحمدلله على سلامتج عزيزتي
ومبروك ما ياكم .

الحمد الله على سلامتج اختي ومبروك عليج البيبي يتربى ف عزكم ان شاء الله

بس قصه ولادتج فيلم رعب بالنسبالي خخخخخخخخخخخ

وايد اتصارخين لول.. يلا الحمدالله على كل حااااااااااااااااال

وووووووشوكرن حبوبه ..<< زايغه وهي ف الثامن كاااك

الحمدلله ع السلامة

ومبروووووووك مااياج ^^

الحمدلله على سلامتج