قصة ولادتي ^^ حيث الاثارة والحدث خخخ

عقبها شليت بعمري انا وبنتوتي عواش سرنا البحر اول مره اتمشى علبحر كنت قاعده مافيني شي

ريلي يقولي سيري تمشي بداال القعده امممممممم وانا قاعده افكر اتمشى وله اقعد العب برمل ويا عواش

خخخ المهم لعبت شوي وتركتهم سرت اتمشى ومافيني شي لا ويع ولاشي مشيت ومشيت اممم قولو ربع ساعه عقب رديت العب ويا عواش كاان يووم حلو الصراحه ردينا لبيت سبحت بماي حااار

و ريلي سبح وطلع وياربيعه…قعدت علمنتدى وكتب هالموضوع
https://forum.uaewomen.net/showthread.php?t=680676

للعلم فيني تقلصاااات تروح وترد علخفيف حزتها خفت لانه اول مره اطوول جي قعدت احسب مده كل تقلص وشوفهاا تزيد دقيت لريلي وقلتله بلي فيني

عاادي عنده.… تأخر علي وانا قعدت اتمشى بلمحق ياني الساعه 11 وشليت بعمري وقعدت اتمشى بلفريج بليل…

وتم الويع يحر رديت البيت ع ساعه 12 وسبحت بماي حاار مره ثانيه عقبهااا

قعدت اتمشى بلمحق ورقدت عواش فديتهااا وتميت اتمشى بلمحق ووسويتلي زعتر حار من شربته

تم الويع يدقني كل 10 دقااايق وانا مب راضيه اسير ريلي رقد يبرود اعصاابه واانا تميت اتوويع

ولين الساعه 2 وكل شوي يزيد صارت كل خمس دقاايق وانا مب راضيه وبنفس الوقت مب مصدقه انهم كل خمس دقااايق

وعقبهاااااااا صارت كل 3 دقااايق وانا مب مصدقه وقاعده اتمشى بلحجره وقرا قرااان وسوره الزلزله
تعبت من الويع قلت برقد شوووي حذاال بنتي عواااش خخخخ ووانا يايه انسدح حذالها وله احس شي تحت

فتح الماااااااي عندي خخخخ خوفتكم صح خخخ

قمت اوعي ريلي وهو مبقق عيونه يقولي هااا شو فيج شسااالفه ناسي اني اتويع وبربي

اقوله خلاااص مارووم لبست بسرعه بسرعه ودقيت لمي وطوول الدرب وانا اتووويع وهو يطالعني ابروووود

من فتح الماااي صاار الويع ورا بعض وبزياااده وصلت مستشفى صقر الي اخاف منه خخخ

دخلوووني قالتلي خمسه ولااااده وتميت اتويع وهم عادي بس يسألون عني كل شوي

وانا قاعده اتويع اقول لمي ااااااااااه تعبت خلاص قعدت اصفع بعمري امي تقولي محد قالج نفس الرمسه بولادتي بعواش ادري مو من قلبها لانها كانت تبيني احمل