قصر عنق الرحم "ولادة مبكرة" !!

السلام عليكم

شحالكن خواتي؟

امس كان عندي موعد في الكورنيش
من الشهر الثالث و انا اراجع الاستشاريه
عشان تسويلي ربط عنق الرحم لان صارت لي ولاده مبكره قبل ..

و كل شهر تقولي عقب 4 اسابيع بشوفج مره ثانيه و بنقرر ..
اول الحمل كان طول عنق الرحم عندي 4.5 و عقب شهر صار 4 ..
و امس صار 2 سم !!!!!!!

و على هذا قالت بشوفج عقب اسبوعين اذا قل اكثر بسوي العمليه !!
و انا بعد اسبوعين بكون في الاسبوع الـ 22 .. يعني يومين و ادخل السادس !!

كتبتلي 20 ابرة تثبيت ..
كل خميس اخذ ابرتين

و قالت اتوقعي تربين قبل !!

انقهرت منها وايد .. انا من البدايه متابعه حملي
و كمن مره اقوللها اخاف اربي .. سوي العمليه
و موول مب طايعه .. و امس تمت مرتبكه

واااااايد نفسيتي تعبانه من الموضوع

و بعد من بداية الحمل كنت اراجع في الخاص عند الدكتوره مريانا
و هي دكتورتي من اربع سنوات ..

كانت مصره ان الكورنيش يسولي الربط
و كل شهر يوم اروحلها و اقوللها انهم ما سوو الربط
تعصب .. تقول شو يتريون ><

الحين ما اعرف شو اسوي
اللي اعرفه .. صعب يسولي ربط في السادس !!

يوم مريانا توصي ع شي مووول ما اراجعها فيه، شطوره ما شاء الله عليها، انزين اختي شوفي دكتوره عفاف الي بالهلث بلس، لانهم يسوون عمليات اخذي رايها وشوفي

الله يقومج بالسلامه واييسر امورج الغلا

ربي يثبت حملج وتقر عينج بشوفة ضناج … ياختي ما يسمعن الكلام أنا بعد حملت المره الاولى وربيت ف الخامس وعقب حملت مره ثانيه وربيت ف السادس ومن حملت المره الثانيه قلتلها تسوي لي ربط بس ما طاعت …. الحمد لله ع كل حال

اخاف اسوي العمليه في الخاص
لو في الثالث عادي .. بس البيبي كبر الحين

اميييين يا رب
و الله يتمم لـ كل وحده حامل على خير

الله يعينج اختي

اللي اعرفه مايسون العمليه عقب الاسبوع ١٤
بس الحين عليج بالراحه التامه لاتتحركين كلش وتحملي ترفعين اي شي ثقيل
أنا بعد اول بيبي ولاده مبكره فالخامس وعقبها خلاص كل حمل لازم ربط
الله يثبت لج حملج ولا تهملين المثبتات لازم تاخذينهم كل اسبوع أبره وبعد معاهم حبوب دوفستون والله يتمم حملج على خير

الله يثبت حملج حبيبتي
ويفرحج بشوفة ضناج