✿قصـ ة ولادتـي✿ 6/8/2024 .

مستشفى صقر
يوم الجمعه
6/8/2017
على صلاة الجمعه تقريبا

الدكتوره العراقيه والله مدري شو اسمها بس ما أعتقد ان في أحد غيرها ولا في أسوأ منها شو هالحظ (يالله الحمد الله) المهم شافت لي الرحم والمسكينه اختي تتريا برع قالت لي 8 سانتي ان شالله ولاده قامت طرت مني الماي … وراحت قالت والله اسمحيلي شي ولاده قبلج ومحتاجه خياطه بروح اخيط وراجعتلج مسكينه انا والله …
السسترات الهنديات على راسي قالو لي نحن نولد ترانا لا تخافين
والله الشاهد علي انهن وقفن وياي وقفه ما انساها مساكين والله سسترات بس والله يستحقون شهادة الدكتوراه والله وايد هونوا علي مساكين
رغم الظرب اللي ياها السستر مني والتشميخ الا انها كانت تقول لي امسكي ايدي انتي ويالله … بس فديتها بنتي وايد تعبتني يمكن قعدت ساعه لين ولدتها وطلعت فديتها على الدنيا

الحمد الله رب العالمين … كنت دوم أحاتي ألم ما قبل الولاده واتمنى انه يكون اهون من ألم الولاده نفسها والله عطاني على نيتي سخر لي ألم ما قبل الولاده رغم اني تعبت وايد في الطلق بس بعد بقول الحمد الله كم تسوى بس شوفت (هند) جدامي

الكل طبعا كان في الانتظار واول ما سمعوا صرختي وصرخت النونو الكل تجمع عند غرفة الولاده لين خلصو دخلوهم

والعضوه (كلي وفا) مسكينه ما قصرت وبشرت البنات بولادتي

خـــريجة✿ يديدة✿ من دينصوراات ✿7-8-9 ..✿ حياااكم بااركوا لهـــا✿ ….

أحلى شي ان هذي ثالث ولاده لي وانا في هالمنتدى أكتب قصتها
الله يجمعنا دوم ان شالله على خير