بسم الله نبتدي على بركة الله :::::
الشيبه :قلبي شباب ولازم اني اعرس مابا العيوز إللي توسد على الباب
الخير وايد وانا ماني مفلس عندي فلوس تدعم البنك في حساب
العيوز: ماباقي منك غير خشمك وهالضرس تبغي تعرس وانت غادي شالغراب
قابل صلاتك الله يشفيك م المس والاترى باطب زيهك بالتراب
الشيبه:إنتي عيوزواكلك الروب والخس أما انا ماكل سوى تكه وكباب
مافيني سكر غير ضغطي نازل بس دام العوى ترا كل شيء فيني طاب
العيوز :لا بارك الله فيك يالشيبه يا النحس ماتيبك الرمسه ولا اييبك اعتاب
قصر لي صوتك مابا اسمع حس عطني طلاقي وانقلع واقبض الباب
الشيبه:دومك نحيسه ولسانك يباله قص ربي ترى حلل اربع بالكتاب
هذا خميس ياااكم عرس ؟؟ مرتاح في الدنيا بلا هم و اعصاب
العيوز:بطران وراسك كالصخر يابس وعص مالوم طبعك يوم ربعك هالكلاب
غادي شرا الاريل ودومك تحيس استح على ويهك اصلع ولعاب
الشيبه: فكيني من ويهك نرى مالي اي نفس زهقان من شوفك والغي لي احباب
هذا طلاقك طالقه اربه وخمس شلي طلاقك من ضمير بلا حساب
العيوز: مشكور يالشيبه ومن دون اي دس عندي حبيب مابتعد عني وغاب
يشريك ويبعك تراه بثمن بخس ماتسوى ظفره حلو واسمر وجذاب
الشيبه: يالله قبل لا اموت منك واغتص طلعتي لي قرن وراسي بعد شاب
ياشينة البرقع ترى قدرك اختس عيوز ولك في الدنيا خلان واحباب
العيوز: مثلك تراني وهذا في العمر درس لاني اميز بين الشيبه وشياب
ولانسيت أني على الموضه ألبس وما علموك أني لا شيله وحجاب
السموحه >>في مغالطات في القصيد >>لكن القصيده عيبتني وما قدرت أني مااحطها
فعلا قصيدة حلوة وأختيار موفق
ننتظر المزيد من مشاركاتكِ الرائعة
دمتي بكل ود
المشاركة الأصلية كتبت بواسطة درة الإمارات فعلا قصيدة حلوة وأختيار موفق
ننتظر المزيد من مشاركاتكِ الرائعة
دمتي بكل ود
مشكوره درة الامارات على الطله الحلو وربي لا يحرمنا من مرورج الحلو
تسلمين الغلا