قطع العناق ولا قطع الأرزاق

مشكلتي بصراااحة صعبة للغاية….
أنا حصلت وظيفة في إحدى إمارات الدولة وبراتب ممتاز…
وخلصت كل إجراءاتي والتحاليل وكل شي…
وزوجي بعد حصله شغل في نفس الإمارة الي حصلت فيها شغل….وخلص كل الاجراءات…بس هو حاليا مرتبط بوظيفة ثانية…ولما قدم استقالته من وظيفته الحالية….مدير شؤون الموظفين رفظ استقالته..بدون سبب…بس لحب التسلط وفرظ الراي…وحاول بشتى الطرق انه يقنعهم…بس بدون جدوى…
شو اسوي الحين الوظيفة بتروح علي…حرااام الراتب وااايد قوي..بحدود35000 وكل ها بسبب شخص ما يحب الخير لأحد….
وحاولت ادخل واسطات بس ما حصلت حد عنده وااااسطة عشان يوصل لها الشخص…شو تنصحوني أسوي …انا متخرجة من الجامعة من 5 سنوات ولما يتني ها الفرصة وقف القدر في ويهي….وانا وريلي حدنا متضايجين…
لو كنتوا مكاني شو كنتوا بتسوووون؟؟؟
بغيت نصيحة…ارجوكم لا تتجاهلوني….
احس اشوي بصيح..

………………………………………….. …

لا تقولين وقف القدر بويهج هذا ابتلاء من الله و انصحج الغالية تستغفرين بنيه تيسير اموركم الالف المرات

و الله يوفقكم و ان شا الله ما تروح عليج الوظيفة اذا نصيبج بتاخذينه

عجيب دام انه موظف اعتقد الاستقالة عادي بتكون شرط ما يكون موقع عقد مع المكان اللي يشتغل فيه بعدد سنين محدده

الله ايسر اموركم

سبايكي…أم بدور1…
مشكورات الغاليات ع الرد…
بصراااحة المشكلة انه موقع عقد 5 سنوات بس اتوقعناهم يراعون ظروفنا وما يوقفون في طريج رزقنا…
الله المستعان…

خلي ريلج قبل ما يخطي بأي خطوة يستخير ربه والله بيسهل له اللي فيه الخير ..