شحآلكم خوآتي ؟!
بحكيلكم سآلفتي اللي استوت ويآي اليوم ..
الله يسلمكم تاريخ 26-5 كآن عندي موعد عند الدكتورة وقالت لي الجنين عمره 6 اسابيع وااايد صغير ع آخر موعد دورة لي
المهم .. امس كان صايبني ألم فظهري وفبطني شرآت الم الدورة واليوم الصبح يوم نشيت وسرت الله يكرمكم الحمام لما مسحت من تحت لقيت نقط دم بس مب وايد يادوب ولكن كان في مادة بنيه شرآت اللي تكون فآخر ايام الدورة..
عاد انا ع طول عقب صلاة اليمعه سرت المستشفى الطوارئ ولما كشفت علي الدكتورة قالت لي الجنين فالاسبوع الخامس ومب مبين بس كيس الحمل مبين
وخلاف قالت لي بسويلج الالترا ساوند الله يعزكم من تحت وسوت لي قالت يمكن بنشوف الجنين ولكن للاسف ما بين وياها غير كيس الحمل قالت لي هو وااااااااايد صغير الحين
انا عاد هالمره قام الشيطان يلعب فعقلي لانه اول حمل لي وانا مستانسه وااايد بس من سمعت هالشي مآدري شو استوى فيني حتى ريلي مآرمت اخبره..
حد منكم صارله هالشي؟؟ وياترى شو سبب بطئ النمو؟؟
ارجوووووووكم اللي عنده خبره او حد من اهله صارله هالشي يطمن قلبي الله يجزاكم الجنه
والسموووحه طولت عليكم ..
اهتمي بنفسج و لا تتحركين كثير
بس كان المفروض يسون لج تحليل دم لهرمون الحمل …و عقب يومين يعيدون لج التحليل …اذا زاده النسبه يعني الحمل موجود و مستمر
و ربي ييسر لج و يتمم لج حملج على خير
اللهم ثبت حملها وارزقها الذرية الصالحة المعافاة وفرح قلبها
اللهم اميييييييييييييييييييييين
ردي عقب اسبوع سوي صورة
وان شإلله بيكون واضح البيبي يارب
وصلي وكثري من الدعاء
ويوم كلمت الدكتوره قالت لي عادي بس لا تتحركين هالفتره واايد
ولازم ما يكون في جماع مدة شهر تقريبا
واعتقد عطتني حبوب التثبيت قالت هذا احتياطي والحمدلله استمر الحمل
وان شاء الله ما عليج شر حبيبتي بس انتي ارتاحي ودايما استلقي على ظهرج
ورفعي ريلج او حطي مخده تحت ريولج وان شاء الله رب العالمين بيثبت حملج ويفرحج فيه ان شاء الله …
واللي ماعرست ربي يرزقها بالزوج الصالح واللي لين الحين ما حملت الله يرزقها ياااارب
مشكووورين خواتي صج انكم ما تخيبون الظن فيكم
عساكم ع القوه ياااااارب