يا بنات و حريمات اول مرة اكتب مشكلة صارت لي
بس ماعتبرها مشكلة كبيرة بس فضفضة
يا طويلات العمر ،،،،، ريلي كان شهر فخاطره اكلة معينة وانا مب ذاك الزود فالطباخ بس اعرف اطبخ بعض الاكلات يعني علي قدي ومن كم يوم قال لي اطبخيها لي وانا قلت من عيوني ويابنات عندي ولدين صغار واحد عمره سنة ونص والثاني عمره شهر المهم من الصبح قاعده معاهم لاني اجازة حاليا ،،، المهم مجابلة اليهال يصيحون وانا يد وحدة بالجدر و يد وحدة شايلة ولدي الصغير و طلعت عيوني لين ماخلصت طباخ واحترقت يدي بالزيت وتاخر ريلي بالدوام لانه يداوم ف دبي وانا في المدام ولما وصل و حطينا الغدا قعد يتنقد وانتي شو مهببة ةانتي مستوي بج شي مب مرتي اكيد شي جايسنج وتخيلو جدامي قال للخدامة عقي الاكلات بالزبالة لانه مب حلو وماينشها و مدامج توها تطبخ
حسيت بغصة واني اريد اصيح بس الدموع متحجرة غعيوني و لبسني و سار يرقد وقبل لا يرقد قال الحمدله اني تغديت برع قبل لا ارجع فالدرب
حاسة بضيجة وبموت من القهر وماتكلمت معه ولا حرف
يعني ماقدر اني طول فترة الصبح تعبانة بين اليهال والمطبخ. وفوق هذا اني للحين بالنفاس والله نفسيتي ومعنوياتي داون ابي اصيح مب رايمة*
يمكن يكون معصب من شي فالدوام
وطلع الحرة بالاكل دام الاكل مافيه شي ولامحترق
لاتحطين بخاطرج يمكن مثل ماقالت الاخت متضايج من شي وطلع الحرة بالاكل
الله يعينج ويحنن قلبه عليج يا رب
و لاول مرة …
و الحمدلله كانت اول و آخر مرة لانه شافني جادة …
طول ما انتي ماسكة نفسك وكاتمة هالشي بقلبك راح تبقي تفكري فيه
واذا حسيتي نفسك لسا متضايقه عليكي بالمصارحة وطلعي اللي بقلبك حتى لو ماعلق المهم توصليله مشاعرك واللي بقلبك
وان شاء الله بترتاحي
الصراحه اهم شي
ولاتخلي شي بقلبك
اي شي يضايقك فيه على طول بيني ردة فعلك وانه شي ضايقك
لاتسكتي
بس مو شرط بتسلط ولسان طويل لا
المهم تعبري عن عدم رضاكي
والله يهدي سركم