الســـــــــلام عليكم والرحمه
شحالكم …. شخباركم …
اخينا الحبيب عاايف الزوااج :1 (50): ومستحيل يعرس
لين وصلت الحلوه :1 (28): وبغااهاا خلاص بيخطبهاا
عاد نحن مانعرف لهالسوالف وخواتي مالهن دخل مايهشن ولا ينشن :1 (85):
والوالده :1 (3): ماتعرف وايد لسوالف اليوم
والحين السالفه عراسي كلهاا وحبيت اسألكم كيف تكون الزهبه للملجه
شو اللي ناخذه ونحطه ومن هالاشيااا :1 (6):
عااد الحلوه من العين ونبااا نبيض ويهنااا
وتستاهل عروستناا وانتوو شرايكم
تعطوني افكاركم ولا شووو :1 (9):
شوفي اول شي لازم القع والمخاوير والسراويل وهذيلا ينحطن في شنطه……والعبي والشيل ….وخذي نعله تكرمين…وقمصان نوم….والذهب طبعا حطيه في روحه على ستاند….وخذي سله حطي فيها الفوط والكريمات
ولا تنسين سله العود والدخون والعطر
ونحن نسوي زهبه لاهله….ما ادره تسوون هالشي والا لا؟؟؟
ومبروك لبو الشباب
انتي تقصدين ليوم الملجه صح اوكيه يالحبيبه
عندج اول شي تسوينه تشترين القطعه للعروس عندج فدبي مركز البستان والمنال
وعندج فالشارجه السوق المركزي محل اسمه اعتقد كيوكيه روووووووووعه كل قطعهم مال مصممين وعلى فكره هم راح يدلونج على المصمم الي يضبط لج فيه تصاميم للقطعه الي اخترتيه وعندج بعد محل قريب منه على نفس السيد
المحل ضيق بس نفس الحاله قطعهم حلوه ورهيبه واسعارهم تقريبا كلها فوق الالف بس حلوه الصراحه اعتقد مالكهم نفس الشخص انت خذي عنهم شغلات وايد حلوه وعندج بعد محل العيسائي فصحارى عندهم شغلات روووعه اما التفصيل مثل ماقلتلج هم راح يخبرونج وين اتفصلين او اذا ماعيبتج تصاميمهم عندج شارع الرقه فدبي شي وايد مصممين بس الصراحه ماصار يوم اتعاملت معاهم ان شاء الله البنات يفيدونج وين تفصلين عندهم لاني بس افصل فالشارجه عند الزوراء فشارع جمال عبد الناصر او عند دار حواء مقابل سبنس الي صوب دوار القرآن
ومن ناحية المكياج عندج الموطنات ماشاء الله عليهم فنانات
ومن ناحية العطور والدخون عندج اجمل وعبدالصمد القرشي والرصاصي وباريس غاليري
حطينا في الشنطة الاولى الجواتي تكرمين والشنط
في الشنطة الثانية القمصان نوم والملابس الداخلية
في الشنطة الثالثة العبي والشيل والشيل الملونة والسكارفات
في الشنطة الرابعة القطع وقطع الفساتين
في الصندوق الاول العطور العربية والدخون والعود
في الصندوق الثاني العطور الفرنسية
في الصندوق الثالث الكريمات واللوشنات
وحطينا بوكس فيه الفوط ومستلزمات الحمام ( تكرمين )
وشنطة حق اهلها اغراض الحريم من قطع وشيل وعبي
وشنطة حق اهلها اغراض الريايلل ………
وطبعا اهم شي العقد والدبلة والساعة في بوكس او سلة او ستاند او قفص او مندوس او اي فكرة تعجبكم طبعا مزينة بالورود ،،،
واي سؤال حاظرين للطيبين
احنا انتهت عندنا هالسوالف
الغاليه.. وااافوج خواااتي بالأسااااسيااات..
لاني بصراااحه ماعرف هالسوووااالف ألا من بنااات عمي هم في العين..
لانه في دبي.. أنقرضت هالسواالف تقريباُ..
دمـــتي بود..