انا عضوة اول شي خواتي من بينكم بس هذا نكي الثاني اللي محد يعرفه لاني ماابى حد يعرفني من دوامي لانه بعضهم يعرفون نكي وانا الصراحة مااحب اقول شي جدام حد يعني في الدوام والواحد بعد انه يرضى بلي قسمه الله اله في هالدنيا والحمدالله على كل حال ^^
بس احس هالفترة احس كارهة الشغل مع انه شغلي بسييييط بس احس كارهتنه يعني في الدوام احس كانه حد ماسكني من رقبتي ويزغدني ويوم ارجع البيت ارتاح ومااعرف ليش هالفترة قمت احس جييه وايد من ادخل الدوام لين اروح احس كانه حد ماسكني من رقبتي يزغدني ويوم ارجع البيت احس عمري مرتاحة
حد يعرف شو اللي يصير معاي خواتي ارجوكم ساعدوني انا ماكتبت مشكلتي الا عشانكم خواتي في الله
والحمدالله مواظبة على ذكر الله بس بعد احس بها الاعراض واحس كله تعبانة في الشغل وابى ارد البيت >.<
لاحول ولاقوة الا بالله العلي العظيم …. ساعدوني اخواتي في الله الله يخليكم
هلا عزيزتي
ممم انزين صار لج موقف ف الدوام بينج وبين حد وكرهتي الدوام ؟
او بس جي بدون سبب
ترى ساعات اتي للانسان لحظات يكره فيها كل شيء
الله يوفقج حبيبتي وايسر أمرج
حد ضاايقج قالج شي يضايقج ؟؟
اذا جي حااولي تنتقلين لمكتب ثااني غيري شوي
ويمكن بسبب الروتين المعتاد حاولي اطلعين شغل عسب ماتحسين بالملل والفراغ
اقري المعوذات وانتي ف الدوام بعد ..
الله يسعدج ويسهل عليج اموورج
اذا كنتي موظفه يديده فهذا شعور طبيعي
اما اذا انتي موظفه من زمان فيمكن ما عندج وحده كلوز تكونين معاها او ترتاحيلها وبالذات اذا كان وقت الدوام طويل!!!
فتره وبتتعودين ما عليه..هذه رزقتج ولازم تتحملين
غاليتي 
متى آخر مرة خذتي إجازة طويلـة شوية
ممكن محتاجـة وقفـة استراحـة
تريحين فيها عقلج وشخصج ^^
وربي يسعدج ان شالله