كارول زمرود

لفتت نظري في برنامج صباح الخير ياعرب وطريقتها السريعة في العلاج بالماسكات السحرية خذت موعد عندها في دبي تاريخ 5/9 الاسبوع اللي فات في فندق بالمان الساعة 5 وانا رايحة اقول في خاطري الحين من الزحمة مابخلص بسرعة وكنت افكر مكان خاص او عيادة دخلت الفندق ماعندهم خبر عنها كلمتها قالت اطلعي ع طابق 15 زين فيه ناس طلعت معاهم لإنج ماتدخلين بدون بطاقة واللفت ما يطلع الا بطاقة تفاجات انه جناحها وهي بروحها لا ممرضة ولا غرفة للعلاج ولاشي المهم خبرتها شو أبا قالت في الشتاء بنبدا علاج التقشير لان في الصيف ماينفع ومش من اول مره لازم جلسات والفلر يكلف 6000 فقط حول الفم وتقشيرحول العين 3000
صراحة مارتحت إلها أبدا
اولا المكان مش معقم
ثانيا هي جايه من التسوق المفروض تغسل يدها او تلبس قفاز قبل الفحص
ثالثا علاجاتها مبعثرة في كل مكان الإبر والمسكات
ذكرتني بسالفة الحرمة اللي في السعودية اللي تسببت في وفيات من حقن الحريم في البيت
صراحة المفروض لو هي اخصايية شاطرة المفروض تستقبل مرضاها في عيادة من العيادات المعروفة في دبي
اتمنى اكون ما ظلمتها بس حبيت اخبركم بتجربتي *

فديتك لو بتسافرين احدى دول اروبا للسياحة اقصد جربي تزورين احدى عيادتهم الخاصة بالبشرة

ولا تسلمين وجهك لحد هنا اغلبهم للاسف تجاره وياريت حتى النتيجة تكون مرضية مرات والله العكس تماما

المشكلة ان ال ام بي سي مسوية إلها دعايا. وانا قلت الحين بتحطلي من هالماسكات وبتشل التبقعات مثل مانشوف ع المودل حريم انصدق كل شي لا وبعد نبا كل شي بسرعة