بنات اتمنى تساعدوني وتعطوني رايكن في موضوعي بدون مجاملات و بمنتهى الصراحة باقصى درجاتها
دايما اسمع عن مشاكل الزواج و الرياييل ما فيهم خير و لا منهم امان
وكل بنت في سني تحلم في يوم تتزوج بـــ( رياااااال ) والنعم فيه , يكون راعي اخلاق و شهامة
بس المشكلة من وين نلقى مثل هالريال في زمن ضاعت فيه الرجولة اشوف بلاوي تصيب المتزوجات و عقد نفسية من هالبلاي
اغلب الرياييل مغازلجية عيونهم زايغة ما يصدقون يشوفون بنت حشا
عمري ما تخيلت نفسي اتزوج , بعدني صغيرة ما تخيلت بييني هاليوم بهالسرعة
خواتي والله اني محتايتنكم من بعد الله سبحانه و تعالى
خطبي شخص , ما اعرف كيف اوصفه !!
تقدملي وكالعادة بحكم اني رفضت 3 تقدمولي قبل قلت اي هااااا ردينا لهالعلل اللي ما تخلص
تعقدت من شي اسمه رياييل بسبة لي نشوفه , لين ما انفجت عقدتي على يده
قبل ما اسأل عنه او حتى الشوفة الشرعية او اعرف اي تفاصيل عنه رفضته بس اهلي حنوا علي انه مب كل يوم بيندق بابنا و الفرصة ما تدوم
بختصر وبقول , عمري ما تخيلت انه مثل هذا الانسان موجود الا في قسم القصص الخيالية
شخص خيااااااااااالي ما اتوقع في مثله فالدنيا دخل قللبي بسررعة وانا طبعي عنيدة اللي ما يدخل قلبي حد بهالسهولة ارتحتله وااااايد بعد
الكل مدحه الكل و شهد بحسن سيرته و اخلاقه و دينه و كل شي ما لقيت فيه عيب ما لقيت علة ما لقيت شي واحد يقلل من شانه
سألوا عنه و قالوا انه ريال مصلي ومسمي على خلق ودين و سيدة ما عليه سوالف
و ما شاء الله مرتاح مااديا اهله ناس محترمين و طيبين و حتى قالولي انه كان طالع الاول فالثانوية سنتين ورا بعض و مهتم في دراسته وهذا الشي اللي ما اشوفه فالاولاد يعني !
من المصادفات انه اخوي كان دارس وياه و لين الحين اعتقد متواصلين مثل ما خبرني
و من اسمه عرفت انه وحدة من البنات فالجامعة تكون بنت خالته و ما قصرت بعد سالت عنه و ما قالت بحقه الا الخير
الكل مدحه , اخوي قالي انه هذا الانسان كنا نقوله شريف مكة هههه و طبعا سالته كم بنت رمس قالي هذا ما يروم يحط عينه بعين بنت او يقرب و بيستحس كله و يقول انه كان سيدة و طبعا صدقته مع انه عجيب لاني ما اظن اخوي بيمدحه اذا ما كان زين مب من مصلحته
و انا ممكن اقبل بكل شي يهون الا في الزواج ما ودي اني اندم على قراري و اخذ شخص في يوم يهيني مثل ما يستوي عند بعض الاسر احين
المهم من خلال تعرفي عليه هالمدة انا احسه شخصيييية و نادرة و رومنسي و طيب ومتفاهم وفيه صفة الحلم مب من النوع العصبي اللي يمدون ايدينهم على الحريم
رزين ذرب و مؤدب يعرف ربه و احس لسانه ينقط عسل و تطلع منه وايد درر في كلامه
على الرغم من انه وسيم و مزيون لكن شكله فيه براءة و جنه طفل بريء
واكبر تناقض , هو التناقض بين جسمه وشكله وبين اقواله وكلامه وافعاله
هو كامل والكامل الله امكمل زينه بالزين لكن سبحان الله لو انه ما كان قصير جان كان اول انسان كامل فالدنيا
شخص و حنون احسه بعد وايد يحب اليهال و يهتم بنظافته و شكله ولبسه يعني ما بتبهدل من هالناحية
وخلال هذي المدة عرفت عنه وايد اشيا واول مرة اشوف ريال جذى و فيه احساس وزنه واااااايد ثجيل مشاعر من الاوزان الثجيلة ما القاها بأي حد جنه مستعد يعطيني كل ما يملك بمجرد صوته جني انتقل لدنيا ثانية دنيا كاملة ما فيها ردى
انا مب مصدقة انه مثل هالانسان موجود , خصة انه شبابنا معروفين ان كان فالموضوع بنت !
خبلني غير نظرتي للحياة احسه جنه عقل شخص عاش 60 سنة من كلامه جنه دكتور نفسي وفي نفس الوقت سفييير للرومنسية وفنفس الوقت بعد طموح و كل الصفات المعنوية الايجابية فيه
شكله جذاب ابيض و حليو لكن بس قصير !
طوله اعتقد 152 تقريبا ما اذكر بعد يمكن اكثر شوي ,
و اللي كان فنظرة اقرب ناسي و هن خالتي و البنات لي عاشرتهن سنين من المدرسة لين اليوم فشلة ان وافقت عليه
هو انه طولي بالضبط 166 , فرق صح
مع هذا احسه ما همه طولي و ثقته بنفسه اعلا عني بوايد يعرف يتصرف احسبه و احس عمري نقطة في بحر جدامه خصة يوم يرمسني من افكاره
عمري ما فكرت في هذا القصر انه عيب ما ادري ليش بس احسه عادي و ما فيها شي ما ادري ليش يعني المسألة متعقدة جيه
احسهن وايد معقدين الامور في مسألة الطول و القصر وايد معقدات انا عني ما لاحظت انه بيني و بينه فرق مع انه في فرق فالطول بس كان عادي
اربيعتي اللي اعتبرها اختي تذم هالشي و كلهن ضحكن علي يوم قلتلهن طوله قالن لا تخلين نفسج مصخرة العصر
و انه هذي مصخرة ارفضيه بسرعة شو ما كان هذا قصير , حسيت كلمة قصير كانها جريمة
ويلست افكر وايد اشيا قالوا عن هالموضوع ما انام الليل وايد فكرت انا ما اشوف فيها شي بس خوفي يكون فعلا شي غلط
والثانية قالتلي انه عار علي اتزوجه و الثالثة تقول ما يصلحلج قصير ما بيطلع ريال
في البداية كان عادي بس بعدين بديت اتاثر و قمت اخاف اتزوجه اخاف باجر كل الناس ياكلوني بقشوري ! بديت افكر نفسهم
ابويه شخص ما يعجبه حد , لكن ما ادري ليش هو اكثر شخص يحثني ويشجعني اني ما ارد هالشخص اللي تقدملي
ويتم يقول انا ريال و انا افهم من الرياييل عنج و نحن نفهم بعضنا و عندي تجارب ويلس يقولي هذا الريال غير عن الشباب اللي يلعبون ويصرقعون و فاضين وايد شجعني ولين يومي هو يقولي ما ودي اغصبج لكن مستحيل تتكرر هالفرصة و اييج مثله
اما خالتي و هي بمثابة امي بعد روح المرحومة تقولي هذي اول خطوة في دمار مستقبلج وحياتج كلها
و موافقتي بكون اكبر غلطة بتوصلني القاع بصيرعلج في حلوج الناس ووايد وقفت ضد راي ابويه قالت ما بتحسين بالانوثة و بتنحرمين من وايد اشيا ما بتتوفقين و احينه كل شي جنه عادي بس بعدين ما بترومين تطلعين وياه مكان وكل الناس بينتقدونكم بيقولون امه مب حرمته و ما بترتاحين وياه و قالت بيني وبينها انه ما بتتهنين في لذة الحياة الجنسية و انها تفهم مصلحتي و الناس تبا تقص علي و وايد اشيا تسد النفس و تغث سبتني حتى
اخاف ما القى مثله واذا لقيت طويل مثل ما تقول خالتي ما اعتقد بيكون جي سبحان الله ياخذ شي ويعطي و يعوض بشي ثاني مع اني ما اشوف انه ناقصنه شي
احين شو اسوي افصخ خطبتي ولا اكمل وايد تضغط علي خالتي و البنات كلهن يقولن لا توافقين و يلخبطون مخي احسهن بيجلبون راسي يوقطعوني حتى استخرت اكثر عن مرة و ربي حسيت برااحة ما تعودت عليها قبل بس بعدني محتارة
ما اهتم في سالفة الطول و ما ادري الريال عيبني و حتى قصره احس ما ادري كيف بس احس حلو عليه يعني هل انا غريبة و هاي حالة عادية بندم عليها بعدين مثل ما يقولون ؟؟؟
احس انه هو حلو مثل ما هو مب لازم يطول اكثر او يتغير فيه اي شي , يعني احين عقب سنوات بشو بيفيدني طوله
انا ما اقول اني بتحمل قصره و لا اقول انه قصره عيب وبتحمله عشان مميزاته لكني اقول انه والله قصره شي عادي جدا مب عيب عشان اتحمله او اعاني منه و عادي عندي بعد بلبس كعب ما فيها شي بس لييييش هالشي يخليني غريبة و غبية مثل ما قالن !!!!
المشكله اثرن علي وااااايد و خلوني مترددة ساعات احس بخرب مستقبلي و ساعات اقول ما علي منهن
دخيلكن ساعدوني خصة المتزوجات انا ما عندي اخت اكبر عني تنصحني و خالتي وحيدتي مع انها نصحت بس هي مب متزوجة و ما اعرف متزوجات عندهن تجارب
قلت هذا المنتدى فيه متزوجات عندهم تجارب وخبرات بلقى نصح منهن
ابا اعرف شو اسوي صارحوني لو مكان شو بتسوون وهل انا صدق غريبة و غبية مثل ما قالوا
اذا كان لكن ازواج اقصر عنكن خبروني هل هذي مشكله تكبر مع الزمن مثل ما يقولن و تدمر حياتي و بستحي امشي معاه في المستقبل او يفضحني ؟؟؟؟ محتاااجة رايكن وان كانت في من تزوجت ريال اقصر عنها خبريني بالي تعلمتيه بليز ؟
انا مب عارفة شو اسوي و الله ما ابا اندم اخاف اقبل و يكونون صح واندم واخاف ارفض و اندم لانه صدق احسه خيالي
بشو تنصحوني و انتوا عرفتوا المشكلة طولي وطوله و الفرق واااااضح 14 سم انا محتاااااااارة
و بما انه لا حياء في الدين ابا اسال هل هذا بياثر في العملية الجنسية مستقبلا يعني انه ما بيسرني مثل ما قالت و ممكن تصير مشاكل
اكمل مشواري و لا افصخ الخطبة و الله العظيم محتاااااااااااارة
اتمنى تكونن فاهمات علي
مو لازم تسمعين كلامهم هذا مستقبلج ويطنزون قوليلهم انتو تطنزون على خلقة الله
هو ماخلق عمره قصير قاعدين يطنزون ويشيشونج يبونج تفصخين الخطوبة المفروض ربعج يتمنون لج الخير والسعادة
والقصر لاهو عيب ولاهو حرام ومايأثر على مستقبلج كل الناس طويله وقصيرة
وبيضة وسمره لافرق بين عربي على اعجمي الا بالتقوى والعمل الصالح
اهم شي اهلج يمدحونه والريال ماعليه كلام وسمعته ماشاء الله حلوة
انتي استخيري مرة ومرتين وثلاث واللي كاتبنه الله بيصير
محد بياخذ بالدنيا غير نصيبه
حرام وربي حراااام يقطعون عليج رزقج و راحتج الي حسيتي بها عشان " قصر "
اذا هذا هو السبب الوحييييييييد ! . .
ترا والله حرااام عليييييييهمْ !
شو يعني قصييير ؟ وين العيييب ؟ و مواصفاته الي ذكرتيها ؟ راحت بلاش بعينهم بعد ما شافوا انه قصير ؟
ليش جيه الناس تفكر بـ القصر و الطول ، !
حبيبتي من كلامج حسيت انج مرتاحه بس ترددتي ل سبب " القصر " !
انتي صلي استخارة و استخيري ربج واتركي آرآء الكل ورا ظهرج ،
شوفي راحتج شوفي بشو بتحسين ؟ شوفي اذا الأمور بتتيسر او لأ . .
وباذن الله ربج بييسرها لج و بييب لج الخير . .
لكنْ أقسم بربّي انـــه هذا مب عذر ينرد فيه "شآب" بالمواصفات الي ذكرتيها . . ><
شوووفي حياتي البنات والحريم كييف مواضيعهم و مشاكلهم و غيرهْ . .
وقارينها بصفات الشاب الي يايينج . . ! ! باجر اذا ياج واحد طويل لكن ( يفتقر ل صفات هالشاب القصير )
بتندمين ؟
اصلا ماكو وجه للمقارنه ، . . >< . . !
هذي حياتج انتي . مب حياة غيرج . .
انا بنت ، انا نفسج ، ( انا مابي شكل / مابي قصر ، مابي طول / مابي حلآه )
ابي ( احترام ، تفاهم ، حب ، مودة . . . . حياة ناجحة ) هذا الي نبيه . . صح ولا لا ؟
صلي استخارة و استخيري ربج حبيبتي / مايهمج كلام فلان و علان ، و لا حتى خالتج . .
رايها ع العين و الراس ، لكن يبقى الراي الاساس رايج . .
وربّج رح يرزقج الخير ان شاء الله
×
فكتورْ
أهم شي انتي اختي تكونين مقتنعة فيه انتي اللي بتعيشين باجي عمرج وياه ومب هم
المظهر مب مهم الأهم هو الجوهر
يعني شو فائدة الطول والوسامه وما شي اخلاق وراحة بال
صلي الاستخارة وادعي ربج
ما خاب من استخار ولا ندم من استشار
وان شاء الله البنات ما بيقصرون بالنصائح
وربي يوفقج ويسعدج
مب كافنج انه مصلي وطيب ويخاف الله ومب راعي سوالف وخرابيط
لا حول وين وصلنا عشان انه قصير
اتمنى منج انتى اللي راجعي تفكيرج وتصلحين حالج عقب يوم بتعرسين
كيف بدبرين امورج وحياتج ما دام انج اهتمتي بالمظاهر وتركتي الاساس
السموووووووووحه
هالريال سار وخطب وحدة ثانية أطوووول عنه وهكم عايشين حياااااتهم ..
وأهل البنت القبلية تمووووا متحسرين لأنهم رفضوووا ريال مثل هذا إخلاق وخير إلحمدلله