ف خاطري كلام اريد اقوله .. لاني جد من قلبي زعلانه على حالنا ..
ابويه ما شفته من زمااان .. ولا عنده النيه بعد ان يشوفنا … حتى اليوم .. الى هو يوم العيد .. ما زارنا .. ولا حتى قال بسير اشوف عيالي .. ولا حتى قال بتصل وبسلم عليهم … على كثر التهاني والتبريكات الي لقينا من ربيعتنا وييرنا .. بس بعد افتقد ابويه .. بنات ترى ابويه عايش والله .. بس مسح وجوده من حياتنا .. حتى ف شهر رمضان .. ما تعنى وقال بسير افطر مع عيالي يوم ..
بتقولولي اهو جيه من زمان .. بقولكم لا .. ابويه كان انسان اطيب منه مافيه .. حنون .. كلامه قليل .. ابتسامته ما تفارقه .. والله انه كان اهم شي احن .. اهم شي عياله .. لو نمرض .. ما كان يرقد الليل .. يقعد طول الليل قاعد عدالنا .. واحنا نايمين .. بس اهو ما يرقد خير شر ..
ما قصر فينا .. من اي شي ..
بس تقريبا من كم سنه يمكن اربع سنين عرس واحده ثانيه .. لا هي من جنسيتنا .. ولاتنطق لهجتنا .. بس اونها تحاول تكلم مواطن .. بس انا سمعته ترطم .. مب عربي كلش ..
بس من ساعة ما تزوجها واهو كل يوم بحال .. ابويه الي كلش ما يعرف يهاوش .. الحين قام يهاوشنا .. وحتى نظرته لنا نحس انها كلها حقد .. يطالنا بنظرات غريبه .. عمرنا ما حسينا فيها من اقرب الناس لنا ..
وساعات يكون انسان طيب وزين .. وكل يوم ايي بيتنا .. ويقعد ينادي علينا .. ويوم يشوفنا كانه ما شافنا من سنين ..
ومن كم شهر انا سويت عمليه .. وييه زارني .. حط ايده على ايدي .. من داخلى بكيت .. علشان هاللمسه من زمان ما حسيت فيها .. قلت ابوي الحمدلله رجع نفس ما كان .. اهو هذا ابوي الي عرفته صج ..
امي انسانه طيبه وايد وصابره بس عصبيه شويه .. وتحب ابووووي وااايد .. طبعا عشرة عمر 30 سنه .. ويوم تزوج عليها انصدمت .. كيف عشرة عمرها الي الطالع الله ثم هو .. يسوي فيها جيه .. وطبعا ف الاخر طلقها .. وبدون سبب .. ما عرفنا الى واهو رافع قضية طلاق ف المحكمه ..
وزوجته الى هيه اليديده .. تخيلو شو تقول لناس .. ترى اهو ما يبها .. ما يحبها .. ما كان مرتاح معاها .. شو يسوي .. يجبر نفسه يعيش مع انسانه ما يحبها ..
بعد شو ياي ابوي يقول هالكلام .. بعد 30 سنه .. و8 عيال .. منهم الاولاد ومنهم البنات .. وعلى لسان مين .. على لسان واحده ما تزوجت ابويه الى علشان الطمع .. وعلشان وسخ الدنيا .. والى شو يجبر حرمه ف العشرينات .. تتزوج واحد ف 50 ..
بتقولولي ليش انتو ما تبدون وتتصلو فيه وتحاولون وراه .. بنات احترق تلفوني من كثر ما اتصل عليه .. سواء انا ولا خواتي واخواني الباقين .. ما يرد علينا ابدا .. حتى اليوم الي هو يوم العيد .. اخويه الي اتصل عليه يترجاه ايي عندنا ويتقهوه معانا .. وقاله انزين بيي .. والله بنات ما شفناه .. واحن قاعدين نستناه بره ..
حتى امي هاوشتنا .. وقالتنا ترى ابوكم ما يباكم .. ليش قاعدين تتريوه ..
بنات على فكره ابوي بلسانه قال .. وبعد قالي في ويهي انا .. ترى انا ما اباكم .. وما اعرفكم .. ولا تعرفوني .. خلوني ف حالي .. اريد اعيش حياه يديده ..
ما تحملت الكلمه هذي .. انا الحين عمري 17 سنه .. وفيه اصغير .. وفيه اكبر .. بس من صغيرنا لكبيرنا نحتاج ابويه ..
ادعو ان ابويه يرجع لنا مثل ما كان ..
صدقيني ربج يمهل بس ما يهمل . .
الله يعينكم . .
توجهي إلى الله اليوم قبل باجر، و تيقني إنه بيستجيب لج ، و لا تتركي الدعاءو ألحي و الحي حتى لو تعبتي من البكاء فهو سيستجيب لك ، كوني على يقين ((أمن يجيب المضطر إذا دعاه و يكشف السوء))
جوفي إختي ، ما تزعلين إن ابوكم اهملكم ، بالتأكيد ، فإن الله قد أعطاكم ما يميزكم عن غيركم من الناس و أنت تعلمين أن الله عادل و رحيم ، و بالتأكيد انه فضلكم على الناس بأشياء أخرى سواء اكانت الصحة أو العلم أو غير ذلك
وجود الأب مهم ..
انتي تفتقدين وجوذ "الأب" الذي كنتي "تعرفينه" ، ولكنه ليس مستقر الحال ، و أنتي ستتعبين لو ظليت تراقبين حاله ن لا تتركوا صلة الرحم و أبقوا عليها ، و أيضا لا تحزنوا على افعاله ، فقط قولوا الله يسامحه و أدعو له الله سبحانه وتعالى إنه يوعيه و يرجعه إلى واقعه ..
تحياتي،
جمال إنسانة
وموجود .. بس ما شفته هالعيد ولا اللي قبله ولا اللي قبله .. الله يهديه ان شالله
خلي علاقتج بأهلج قوية و خلكم دووم ويا بعض .. سبحآن الله يمكن يحن و يرد لكم ..
ربي يرجــع لكم الوآلــد مثل قبل و يهديه يا رب ..
ربي يحفظــج و يحفظ لج هلـج و يقويكم على صبركــم ..
الله يجمعكم بأبوكم ويرده لكم مثل الأول وأحسن ..
مالج غير الصبر والدعاء حبيبتي ^_^
الله يهديه ويحنن قلبه عليكم ويحفظلكم الوالدة يا رب ،،