كبة الدجاج <<<اسهل والذ طريقة

حبيت اليوم اعرض عليكم فكرة كبة الدجاج من اعداد مطبخ منال العالم في شهر رمضان وبالفعل نقلت المقادير وجربتها والطعم لذيذ ووايد سهلة ومقاديرها متوفرة فـ البيت …

المقادير((الحشوة)):1-كيلو دجاج مفور ((طبعا صدورالدجاج ع حسب الكمية اللي تبغينها وفوريها))…
1-ملعقة كبيرة زيت ((انا استخدمت ملعقتين))
1-حبة متوسطة بصل مفروم((نقطعها قطع صغيرة))
2-فص ثوم مهروس<<<واضح
اما بالنسبة للبهارات فهي ربع ملعقة طعام هيل وربع ملعقة كركم وربع ملعقة فلفل اسود وربع ملعقة بهارات الكاري وواحد ملعقة طعام ملح((عن نفسي غيرت استعملت هيل وكركم وبهارات الدجاج وملح))
شوية بقدوونس..

مقادير التغطية:1-كيس متوسط توست
2- كوب بقسماط
2-كوب حليب<<< اي نوع كان الجاهز او نيدو+ماء اللي متوفر عندج
1-حبة بيض <<<بدرجة حرارة الغرفة
بهارات الدجاج:هذي جاهزة فـي الجمعيات صووب الملح والبهارات غرشة صغيرة صفرة ومكتوب عليها بهارات الدجاج ..

طبعا لاختصار الوقت وتنظيم الشغل جهزي المقادير قبل وفوري الدجاج عشان يكون دافي شوي لما تبدين تشتغلين فيه والمقاييس المستخدمة هي الاكواب والملاعق المرقمة القياسية..

نبدأ فـ طريقة العمل:
1-نفور الدجاج ونفتته قطع صغيرة ((تفتيت مو تقطيع))
2-في قدر نضع الزيت ونخليه شوي يحر ونحمس البصل والثوم ثم نضيف الدجاج وفوقه البهارات نستمر في التقليب حتى تمتزج المكونات مع بعضها لمدة تقريبا 5 الى 10 دقائق ونحط الحشوة في صحن..

طبعا انتهينا من الحشوة ونبدأ في التغطية راح تكون بالتوست وصدقوني النتيجة واايد حلوة وطلعت مرتبة ..

المهم نبدأ:
نقص اطراف التوست ونقطع كل حبة من الوسط ونغمسها فـ الحليب ثم نحشيها بالحشوة ونغلقها ونقلبها فـ البيض ثم البقسماط..
وطبعا ممكن تسوينها وتحطينها فـ الثلاجة وأي وقت تقدرين تقلينها وتقدمينها ..

للقلي: زيت ذرة ..

للأمانة هي منقولة لكن طريقة العمل طريقتي الخاصة لأنه فيها شوي بعض التغييرات واتمنى تنال اعجابكم وانتظر تطبيقكم للكبة..

وطبعا هذي الحشوة ممكن تستعملينها في السبرنق رول..
وطبعا طبقت باستخدام عجينة جاهزة وحشيتها بنفس الحشوة..

سبحان اللهـ ووبحمدهـ ولا إله إلا اللهـ..!

يسلمووووو

العفو ومشكووووورة ع المروور

تسلم ايدج

العفوووووووو ^^

تسلم ايدج

مشكوووووورة أختي ع المروور^^