بصراحه انا لو مب تعبانه ومب محتاجه حد يساعدني جان ما دشيت هني ,,
المهم ابي مساعدتكم خواتي ؟؟؟؟
مشكلتي ريلي يعصب ع اي سبب تافهه ما عرف ليش امس عصب وقالي اذا بضلي جي وياي قعدي
بيت هلج احسن لج !!! طيب ليش انا شسويت له ؟؟؟؟
ومع هذا يرجع بعدفتره ويقول انا اسف مثلا هو زعل امس ع الباجر رسل مسج ولا كن صاير شي
اوقات اتضايج من اسلوبه وف نفس الوقت اقول هذا انسان مريض والسبب هاي العصبيه اللي مالها داعي ….
بس بصراحه ما يمر اسبوع او يومين الا لازم شي يصير
حتى اذا بنطلع مع بعض لا تلبسي نقاب تغشي كامل وطول الطريج ف السوق ماسك لي ايدي يحسسني كأني بشرد …….
لا وبعد حتى ف السيارة تغشي ….
واذا يت عنده ابي انقاشه ف موضوع ولا مرة قالي تمام الا بعد منازع بقول اوك بس بشروط …..
تعبت والله تعبت بليز ساعدوني شلون اتعامل معاه ؟؟؟؟؟؟
انا أؤمن انه لكل ريال طريقة تتعاملين وياه
ادخلي من الاشياء اللي يحبها واختاري الاوقات اللي تبين تتكلمين فيها
واهم شي ادعي ربج انه يهديه
وربي يا أم سعيد ما ينفع معاه سويت جي بس بلا فايده
غير الله يهديه ويسخره لج. ويحنن قلبج عليج
حاولي تتجنبي الاشياء اللي ما يحبها واللي تقدر تخليه يعصب ويوم يعصب استغفري مع نفسج واهم شي لا تردين عليه لين ما تمر العاصفه وخلاف يوم يهدى كلميه بالطيب وقولي له شو اللي في خاطرج عسب يفهم انه اللي يسويه والكلام اللي يقوله مول مب عايبنج الله يسخره لج انشالله