حبيييييييت اعرضلكم الكوليكشن مال الكب كيكز اللي اسويهم للمواليد
الكيكات بنات
الكيكات اولاد 
عاد هاي كانت طلبية نص للاولاد و نص للبنات
السلات بنات
السلل اولاد
طبعا هاي بعض من ابداعاتي و الموضوع ما يتحمل الكثير من الصور
طبعا للكريمة استخدمت كريمة مكتوب المعتمدة عندي
و الكيك تقدرين تستخدمين اي نوع كيك
سواء الكيك الجاهز او اي نوع اخر انتي تفضلينه
و الكريمة هي علبة كريمة ماكتوب كاملة تستخدم مع ٥او ٦ اظرف ديم ويب و تخلط بالميكسر الكهربائي
يبالها وقت لين تستوي غليظة يعني من ٢٠ الى ٣٠ دقيقة و يختلف هالشي على حسب الخلاط (الميكسر) اللي عندج اياه
الاقماع اللي استخدمها اقمع والتوان بما ان وايدات سالوني عن هالشي
و الالوان الوان فوستر كلاركس او حتى الوان والتون
>>>>>>>>>>>>>
و من تجهز عندج الكريمة تقسمينها ل٤ الوان او اكثر او على حسب اللي انتي تبين اتسوينه
اذا بتسوين للاولاد و البنات تقدرين تسوين لونين ازرق واحد فاتح و واحد غامج
و لونين من تدرجات اللون الوردي
او تخلطين الاحمر مع الاصفر عسب تحصلين اللون البرتقالي او البطيخي
و اذا حابة اللون يكون غير عن الوردي تقدرين تخلينه بنفسجي (تخلطين احمر مع ازرق ) للبنات و للاولاد التركوازي (تخلطين ازرق و اخضر ) و السموحه ما رمت احطلكم الصور لانها طلبات جاهزة
الكريمة تنحط في قمع و تجهزين اللون اللي تبين تسخدمينه بعد ما الكيك يكون جاهز و بارد على نفي حرارة الغرفة او حتى ابرد
انا احطهم في الثلاجة شوي و عقب احط عليهم الكريمات
و سلامتكم
اتمنى انها تنال اعجابكم 
تسلمين حبيبتي :$ و يسلملي مرورج
اذا كان عادي عندج تخبريني
وين تاخذين الحلويات الصغار للتزيين الكيك ؟
المشاركة الأصلية كتبت بواسطة حبوبـ,,ـة 
اذا كان عادي عندج تخبريني
وين تاخذين الحلويات الصغار للتزيين الكيك ؟
طبعا عادي افا عليج
الحلويات نصهم اييبونهم من برع البلاد و النص الثاني وحدة تبيعهم تقريبا الحبة على 3 دراهم
و اي مكان اروح له و احصل شي مميز أخذه حتى لو غالي ،،،
تسلمين
ع المرور الغالية