وارضع بنتي طبيعي الحمدالله فالبداية ما كنت اعرف ارضع لاني بجر واستوتلي تشققات وشرخ في الحلمه وعانيت وايد ويا هالموضوع بس كملت رضاعه
بعد فتره حسيت بكتل فالصدر تقريبا 3 كتل سرت عند الدكتوره عايده في راس الخيمة قالتلي هذا حليب متيمع ولازم ترضعين بنتج وايد وتشفطين
عقب تقريبا اسبوع وحده من الكتل تورمت واستوى مكانها احمممممممرررر فضيع وكل يوم يزيد الالم احس بنغزات ومثل الحرق وايد يعور سرت عند الدكتورة نيرمالا عيادة ويلكير قالتلي انتي ما تعرفين ترضعين والحليب وايد متيمع فصدرج واذا تم جي بيضطرون يشلون الكتل بعملية المهم عطتني كبسولات مضاد حيوي وقالتلي استخدميها 5 ايام واشفطي الحليب خذت الادوية وماشي فايده وبالعكس زاد الورم سرتلها مره ثانيه قالتلي الحين لازم تسيرين المستشفى ويسوولج جراحه وانا دارت فيني الدنيا صراحه خفت
سرت مستشفى راس الخيمة ودخلوني على الدكتور غاندي (جراح) قالي بعطيج ادوية تاخذينها مده 3 ايام وان شاء يخف الورم وماله داعي الجراحه بس لازم ماارضع بنتي خلال هالايام والحين انا ارضعها صناعي واشفط حليبي 
الحين كملت 3 ايام والورم بعده وبعد احسه زاد لانه برز على برع
بنات انا وايد خايفة
حد استواله جي؟
وين تنصحوني اسير حتى لو فاماره ثانيه ؟؟
؟؟؟؟!!!! بس انصحج اتسيرين اكثر عن مكان وتسمعين شو يقولولج
وان شااء الله يكون شي بسيط
بس لا تهملين نفسج وتقعدين تتريين
سيري التخصصي او النور او الامارات او اي عياده خاصه وحكوميه
والله ييسر لج امورج
إن شاء الله الخوات يفيدونج
حبيبتي اسمعي كلام الدكـــاتره في وايد حريم يوم تستويلهم مثل ها المشاكل يكابرن لأنهن يبن يرضعن عيالهن بس ما يعرفن ان بها الطريقة بيحرمن عيالهم الباقيين من حليبهن .. و خاصه إذا لجأو للحل الجراحي ..
ترى حمى الحليب مو سهلة
بتسويلج الالام ومشاكل
انتي شفطي حليبج كثر ما تقدرين
لا تخلين ولا قطره
لا تتعايزين ابدا