السلام عليكم ورحمة الله وبركاته
طبعاً شفتوا العنوان وعرفتوا شو المقصود
عشبة كف مريم
سمعنا عنها وااايد .. وقريتها في أكثر من منتدى
والكلام أكثريته منقول .. بس انا ما ابي كلام منقول أو شي عن هالعشبة
أنا ابغي اعرف كف مريم
في حد جربه .. وهل فادها ؟
شنو قالولج عنه
كيف طريقة استخدامه؟؟
خواتي أتمنى اللى ترد تكون مجربتنه او تنقل لي كلام ناس ثقة تعرفهم جربوه .. ما نبي كلام مدونة ومنقوله .. عسب الكل يستفيد
انا سويت بحث في هالمنتدى بخصوص هالعشبة وما لقيت جواب شافي
أتمنى صج اللى جربته تعطينا تجربتها مع هالعشبه
شاكره لكم تعاونكم معانا .. ولا تنسون نبي الفايدة للجميع
يعني كان الويع يسير ويرد بس خفيف مب هاك الويع الي ما يخليج تتنفسين والحمد لله ربي سهل علي والله يسهل على الجميع ..
اذا جربتي العشبة واستفدتي منها لا تنسين تذكريني بدعائج انه الله يرزقني الجنه ويهدي عيالي ويفرج همي ..اللهم امين
انشالله البنات يفيدونج الغليه
اختي النسيم
ياريت لو تعطيني شرح بسيط لطريقة استخدامج
شو سويتي
هل نقعتي العشبة في ماي وشربتيها ..
هل شربتيها قبل الويع ولا بعده
ياريت لو توضحين لنا .. لاني ما اعرف طريقة استخدامها .. متى تكون .. وكيف