كثرو الحراميه في السوق!!! احذرو منهم

حبيت أخبركم عن سالفة النشالات المنتشرات في الأسواق.. بخبركم عن سالفتنا أنا و أمي

سملكم الله كنا في سوق الجمله قريبين على عكاظ و مرشد.. المهم هاذيج اللحظه كنا طالعين أنا و أمي من محل العطور .. هاذيج الساعه شفت ظرف فيه بيزات أمي يايبتنه وياها " هاذا مصروف البيت" و عيني عليه ياني احساس غريب بس ما أعرف الشو بالضبط و أنا أطالع الظرف.. المهم.. عقب ما ظهرنا من المحل سرنا مشينا شويه و وقفنا جدام محل و أمي يالسه تتطالع شي و أنا أقوللها أمي بسرعه بس مب لازم ما تبينه.. و شويه و إيوون حرمتين متنقبات "أشكالهن شحاتات الصراحه" و أنا واقفه جدام المحل كان شي جدامي هاي الي تدور و عليها نظارات " تعرفونها مال المحلات" وحده من هالحرمتين كانن يزاحمونا .. وحده انخشت امره جدامي أقصد بيني و بين هاي الي تدور مال النظارات و أشوفها شلت نظاره و ردتها و أصلا حركتها مبينه انها وحده مب مهتمه " جنها تمثيل" ما يندرا جان ما شلتها والله.. و الحرمه الثانيه أشوفها لاصقه في أمي.. شو السالفه؟؟؟؟ و روحن عقب..

شويه و مشينا سرنا عقب هالمحل بمحلين ثلاثه و إلا أشوف هالحرمتين طااااايراااااااات ورا أمي يوم دخلت المحل..وحده لصقت في أمي و الثانيه دزتني و دخلت جان أصرخ عليها و قلتلها " شو بعد هاللصقه!!" جان تصد عليي و كملت حظرتها و دخلت,..

أمي كانت تطالع الجلابيات و هاذيلاك شافو بس جلابيه وحده و سألو الريال و بسرررررررعه طلعن.. أمي عقب مده خلصت و يوم يت بتدفع البيزات حق الريال .. وين الظرف !!! اختفى.. كيف اختفى ما أدري.. الظرف فيه 4500 درهم.. والله صدقوني لو أدري انهن نشالات جان والله بقول للهندي سكر عليهم الباب لين ما ازقر الشرطه أحينه..

يعني أبا أفهم.. شو السالفه من هب و دب قام يدش السوق و يصرق؟؟؟؟

بنات لا تشلن شنط صغيره..ولا تحطون البيزات في الظرف.. و انتبهو لهالحركه لا تعطون حد مجال يتلصق فيكم بطلو عيونكم عدل.. ترا وايد أشكال و مهازل يدشون السوق يشحتون

عيل الشو رايكم أنا كل مره أسير عند عيادة سني في الشارجه إذا تعرفونها وحده يمنية ما أدري الشو توقف تحت تتشحت؟؟؟؟ هي نفسها الحرمه حتى مرتين زختني.. تعرفون شو تقول؟؟؟؟

اختي تعبانه و نحنا دفعنا و بيزاتنا ما تكفي و باقيلنا 80 درهم و ما عندنا و جزاج الله خير عطينا.. يا سلام !!!! واضحه وضوح الشمس انها جذابه أصلا.. ما عندج بيزات و يايه تتعالجين في عياده خاصه؟؟؟ جان ما عندها تروم تدفع ببطاقة البنك.. شو هالغباء؟؟؟ تتحرا الناس ما يفهمون

لا لا لا .. لازم نوقفهم عند حدهم.. في جمعيات خيريه جانهم يبون..ما عندهم خلي يتعففون أما ييلسون يطفرون بالناس لا الصراحه هاذا شي ما ينسكت عنه و هالأيام الصراحه الدنيا ما فيها أمان على كثر السوالف الي نسمعها عن العصابات المنتشره

شو هالبششررر حشى
هاي من علامات الساعه
الحين اشياء اتصير واااااايد
سرقه والاغتصاب وغيره
اول مب مثل الحينه

والله يحفظنا ويحفظ كل المسلمين

وانا من بوظبي كنت في مزيد مول فاللولو عند الكاشير

والمكان مب زحمه ابدن ين حرمتين ورايه وحده منقبه لصقت فيني من ورى بطريقه مب طبيعيه

حتى اني تروعت لفيت عنها وعيني تحت انتبهت انه ايدها قريبه على شنطتيه

وانا دوم الشنطه مبطله عشان التلفون وجي

جن اطالعها بنظره واروح بعيد

ردت قالت اسفه مادري شو ,, ما بتعتذر الا لانها كانت ناويه ع شي وانا ما قتلها شي اصلن

اسميني تروعت هذاك اليوم ,, انا كنت اتروع من البتان والحين حتى الحريم لازم اتحذر منهن