هلا خواتي
نكمل من وين ما وصلنا وهذا الرابط للتقرير الأول للي ماشافه
مع ملاحظة إن التقرير يحتوي على خمس أجزاء
https://www.uaewomen.net/showthread.php?t=212130
اليوم الثاني رتبنا رحلة مع الفندق لزيارة مصنع زجاج المورانو
ركبنا ال Water Taxi
التاكسي المائي صغير ومغطى ويتسع لعدد صغير من الناس
أول ماتوصولن المصنع راح يسوون لكم عرض لكيفية صناعة الزجاج
يتميز زجاج المورانو بشفافيته الفائقة
وهذي بعض الصور لصانع الزجاج الفنان وهو يصنع حصان شكله في ثواني
من الفرن
إلى التشكيل
إلى الشكل النهائي
العرض مدته قصيرة
بعدين راح ياخذونكم على المعرض وممنوع التصوير داخله
في أنواع عديدة من الصناعات الزجاجية من صحون وأكواب وثريات واكسسوارات كلها من زجاج المورانو
الأسعار شويه غالية في المصنع لأن الجودة تختلف عن اللي ينعرض في السوق
أحلى شي عجبني هو القسم المودرن من المعرض كان رهييييييييييييب
واللي تشترونه ممكن يرسلونه للبلد حتى مايتكسر في الشحن
وهذي صورة لصحن أخذته
شوفوا كيف فيه ورود صغار كل وردة هي عبارة عن قطعة زجاجية لحالها
يقطعون القطع ويشكلونها وسط الزجاج
وهذي صورة ثانية لصحن ثاني تبين قطع الزجاج الصغيرة بشكل أوضح
بعد انتهاء الجولة تاخذون التاكسي
على فكرة حطوا في بالكم إنهم راح ينزلوكم في منطقة بعيدة عن الفندق
وهم دايما يسوون هالحركة
كملوا الدرب مشي وماراح تملون من المناظر الحلوة الكنايس والمحلات
راح ينزلونكم في هالمنطقة
البيوت ألوانها حلوة 
وهذي صورة للممر المائي وفيه الجندول Gondola
ومرينا على الحلويات
واحنا نمشي شفنا حرمتين لابسات الأزياء التنكرية والأقنعة وهم طالعين من بيتهم
لبسهم كان وااااااااااو
بعدها رحنا نتغذى في مطعم بيتزا اللي يشتغلون فيه صينيين بس ممتاز
على فكرة لا تتوقعون البيتزا مثل اللي عندنا ماعرف شو الموضوع بس الأكل في إيطاليا ماعجبني
طلبت بيتزا سي فود كانت لابأس
رجعنا الفندق علشان نروح جولة بالجندول
يتبع ……
يزاج الله كل خير
وماقصرتي الصراحه عيشتينا الجو وحسيتبه كان هاك الوقت بارد
عندي سؤال ماعليج امر
شو نوع كيمرتج .. عيبتني نقاوة الصور
الحين خليتيها ف خاطريه 
.. >> ظنج في شهر خمسه كيف بيكون الجو 
؟؟
لولو بحر مكنون الغالية الكاميرا هي Nikon
فعلا الكاميرا ممتازة
وعلى فكرة أنا كنت من عشاق التصوير في فترة زمنية وتقاعدت خخخخخخخخخ
كنت اصور بالمانيوال مش الديجيتال
ومازلت أعتقد أن التصوير بالمانيوال أحلى بمليون مرة
وسوينا اختبار أنا ووحدة خبيرة تصوير عندها كانون
صورنا نفس المنظر بالكاميرتين وهي أعجبت بألوان النيكون
ظاهرة طبيعية أكثر وصورة الكانون كان يبيلها تعديل
شي غريب مع ان معروف ان الكانون هي الأفضل على الإطلاق
أختي روح الصيف في أيطاليا وايد حار ما انصحج تروحين
صدق في شهر خمسة درجة الحرارة ممكن تكون في العشرينات لكن شمسهم وايد حامية
هذا والله أعلم
بعدها وصلنا الفندق وكان وايد زحمة هذي صورة من نافذة الغرفة
بعدها انطلقنا لجولة بالجندول
الجولة جدا رومانسية هدوووووووووء مافي أي صوت غير أصوات سواق الجندولات وهم ينبهون بعض علشان ما يتصادمون
أخليكم مع الصور
وبدينا نصعد
وبدينا نتقلب خخخخخخخخخخ
ودخلنا في الممر المائي هذا شكله من فوق
وهذي صورة فرانكو الزعيم تبعهم سايقنا تجاوز الكل إلا الزعيم شوفوا الإحترام
وتوقعوا إنكم راح تكونون عرضة للتصوير هذي مجموعة من السياح المتنكرين وهم يصورونا
وطبعا سامعين بكازانوفا وهذا بيته
وعبرنا تحت الجسور لاحظوا الطرف الخلفي للجندول مايل عكس اتجاه وقوف السايق
شوفوا كيف بيوتهم قديمة بس روووووووووووعة ياحظهم انهم ساكنين هناك
وأخيرا وعند آخر جسر عندهم عادة إن العشاق يبوسون بعض
خخخخخخخخخخخ يقول السايق انا دايما أذكرهم علشان استمتع بالمنظر
بس ما خليناه يستمتع
وانتهت الرحلة وراح اخبركم شو شفنا بالصور أول مانزلنا