كريم للارجل والايدي فنتكة الصراحة

خواتية لقيت هاالكريم التي تبيعة حرمة امبونية مابخذة سايرة اتعالج في المستشفي عفاكم الله ماادري بكيس حذاليه شكبرة والحرمة بطلتة وظهرتلي دبة دهن اشوة الريحة تاخذ العقل هي تسوية خذت الدهن والكريم منها حشى سايرة الجبرة مب الدختر لكن قلت يالله بجربة للريول هالحرمة دوم في الدختر جنها
عل وعسى تنعم ريولية والله ولا لكن حلفة ماخليت لاكريم ولا شيئ مولية من اقرا والااسمع عن كريم شفتو الغبرة وراي
اول شيئ يبت المبرد للريول وفركت ريلية به وبعدين حطيت الكريم ولبست جوارب فالليل والصراحة فنان نعم ريولية
بخبركن استطمعت وحطيتة في يديه ويالله اليدين تمن يلمعن الله يجازيها خير الصراحة

والسموحة جان طولت عليكن خواتيه

مشكورة

الحمدلله استفدي فيدينا
ومشكوره

فأي دختر هاي يالغلا خلينا نستفيد جانها من العين ترا بنوصلها وجانها من برا العين معناها راحت علينا

مشكورة وموفقة حبوبة

مرحبا خواتية ومشكورات عالمرور
الغالية ام عبد الرحمن في دختر الواحة الحرمة هندية متعيربة انا حصلتها عند الحوامل الغالية كان تبغين من الكريم
باخذلي وباخذللج وياية وفاللج طيب وبخذ رقمها ان شاء الله