شحالكن بنات
كنت ادور في النت طريقة للكشري اللذيذ
ولقيت هالطريقة والله يجزي صاحبة الطريقة والموضوع كل خير العضوة شذى 2024 ادعولها بالشفاء والي تنقل طريقتها لموقع آخر تذكر اسمها لانه حق من حقوقها
الكميه على حسب افراد العائله
انا استخدمت 250 جم عدس اسود اردني ابو جبه بس صغير مو كبيرمغسول ومطبوخ
رز مصري مغسول ومنقوع ومستوي ونضيف معه مويه العدس قبل لايستوي علشان النكهه
ونخلط معه كميه من العدس (ولازم تاخذين من زيت البصل كم ملعقه وترشيها عليه للنكهه اللذيذة )
مكرونه خواتم مستويه ومخلوط معه كميه من العدس (كمان نضيف كم ملعقه من زيت البصل لابراز الطعم اللذيذ )
بصل شرائح مرشوش بملح وشويه دقيق ومقلي بس لاتحرقوه
نبقي قليل من العدس للزينه
الصلصه :
كرتون صلصه
بصله مفرومه
ملعقه ثوم مطحون
ربع كوب خل ابيض
ملح وفلفل اسود وكمون ومكعب ماجي
تخلط مع بعض بالخلاط ونضعها على النار مع استخدام زيت البصل واضافه قليل من الماء
ونتركه على النار حتى يتسبك
التقديم
نضع الرز ثم المكرونه ثم البصل ونزينه بالصلصه
ثم نوزع العدس ثم قليل من البصل
ونزينه بالبيض المسلوق بس انا مازينته
والحينه تطبيقي للموضوع والصورة حصريا لسيدات الامارات والكل تخبل عليه والحمدلله
والصلصة رووعة وعلى فكرة الي تبا تسوي بالزيت او بالسمن شي راجعلها لكن بالسمن الذ
احب سوالف الكشري و المحاشي
تسلم ايد الي سوته و الي نقلته
و اسأل الله العظيم رب العرش العظيم أن يشفيها
مشكورة حبيبتي
المشاركة الأصلية كتبت بواسطة معلمة_اسلامية 
احب سوالف الكشري و المحاشي
تسلم ايد الي سوته و الي نقلته
و اسأل الله العظيم رب العرش العظيم أن يشفيها
لج الف شكر حبوبة والله يجبر بخاطرج