صارلي كم ساعة في المنتدى احاول اشغل عمري واتلهى عشان ما افكر باللي استوى اليوم بس موقادرة احس عمري بختنق والله وابا افضفض وياكم يمكن تدعولي والله يستجيب لدعواتكم و يرحمني من الوضع اللي نحن فيه انا وبناتي
اليوم المغرب بنتي (5 سنوات) كانت تلعب مع عيال اختي وشوي واتضاربو تعرفون اليهال و حركاتهم .. المهم فولد اختي اللي بعمر بنتي كانت يبا ياخذ لعبتها و هي ماخلته فتم يصيح سمعه اخوه اللي اكبر عنه بسنه جان يضرب بنتي وشردوا اثنينتهم عند ابوهم وهي تمت تصيح .. انا سمعت صياحها طبعا سرت اشوفها بلاها خبرتني باللي صار فانا عشان اسكتها قلتلها ماعليه انا بضربه بعدين .. قالت لاء هو شرد عند ابوه ماحد يقدر يضربه .. وتمت تصيح زيادة عقب قالت (ليش بس انا كلهم يضربوني عشان ماعندي ابو؟)
عاد انا يوم قالت جي خلاص ما تحملت .. وبالغصب يودت عمري لين دخلت الحمام و تميت اصيح لين شبعت
ادري الموقف اللي صار بينها وبين عيال اختي عادي ويصير بين كل اليهال .. انا اللي معذبني كلام بنتي وانها تفكر جي .. مع اني والله احاول قد ما اقدر اني اطري ابوها بالخير جدامها واطلع اعذار لغيابه … هو هاجرني صارله فترة بسبب مشكله معيته و يمكن يطلقني ما اعرف شو نيته و مع جي والله دوم اتصل فيه واحاول لحنن قلبه علي وعلى البنات بس لان بنتي دوم تسأل عنه فانا اكثر اتصالي يكون عشانها عشان اخليها تكلمه و تشوف اني انا وياه نكلم بعض عادي ..ماكنت مفكرة ابد ان البنية تفكر جي و حاسة بغياب ابوها لهالدرجة
المشاركة الأصلية كتبت بواسطة سكره الامارات 
والله ماشي فايدة انا تقريبا يوميا تصل فيه و اطرشله مسجات مع ان اصلا انا ماغلطت فيه في شي بس ما ابا اخسره … وبالعكس يوم اقوله ان البنات يسألون عنك وحاسين بغيابك يعصب يقول يقول اني استغل البنات عشان احسسه بالذنب
انا جي اقول لبنتي ان ابوها مسافر عنده شغل.. واخليها تكلمه دوم بس لانه طول هي ماعادت مصدقة بعدين هو دوم يوعدها يوم يكلمها انه بيجيها ثاني يوم و ماشي هي تصدق وتتريا و هو مطنش فانا بعد والله ماعدت عارفه شو اقولها
الله يفرج همج.. ويفرح قلبج..ويجمعج إنتي وزوجج وعيالج عن قريب
بيرد لبيته باذن الله بس مسألة وقت.
الله معاج