شحالكن عضوات منتدى سيدات الامارات ،،
ان شاء الله بخير ،،
طبعاً افتريت في القسم و ما حصلت اللي أبيه و استغربت من قلة المعلومات الموجودة في الانترنت عن هالكلية ،،
مع انها من اعرق و أرقى كليات دولتنا ،،
كلية دبي الطبية !!
لـسعيد بن لوتاه ،،
استغربت من قلة المعلومات المتوفرة عنها ،،
و بعد ما حصلت معلومات عنها في منتدانا ،،
فـ بغيت لو يكون هالموضوع معلومات عن كلية دبي الطبية و استفسارات ،،
و اللي تجاوبنا يجزاها ربي الجنة ان شاء الله ،،
لأني انا وحده من اللي تدور معلومات عن هالكلية ،،
و ان شاء الله ان ربي قدر بدخلها ،، >>> ان شاء الله النسبة تبيض الويه
للي درسوا في الكلية تخرجوا منها ،،
أو يدرسون فيها ،،
او يعرفون حد درس فيها ،،
لا تبخلون علينا بالأجوبة او اي معلومات تعرفونها بخصوص الكلية ،،
و اسألتي ،،
1- متى يبدأ التسجيل في الجامعة ؟
2- كم النسبة المطلوبة للجامعة و في أولية للنسب الأعلى ؟
3- بشكل تقريبي كم تطلب الجامعة ؟ من ناحية الفلوس انا سمعت 50 ألف و حد قال 60 ؟
4- كيف نظام السكن عندهم ؟
5- تفاوت اسعار السكن يعني اختلاف الخدمات والا اختلاف في كم وحده وياج في السكن ؟
(يعني مثل جامعة الشارجة في غرفة خدماتها مميزة أظن شي جي )
6- المواصلات و كم لازم ندفع ؟
7- متى اليوم المفتوح او اليوم التعريفي للجامعة ؟
8- بخصوص المنح للكلية ؟ و وين اقدر احصل منحه للكلية للعلم جوازي مب اصدار دبي !
9- رايج بشكل عام في الكلية و دراستها ، و تنصحيني ادرس فيها ؟
10- و اهم سؤال ،، ليش الطب في كلية دبي 5 سنين و في باجي الجامعات 7 سنين !!
و العثرة 10 أسئلة 
ما عليه تحملوني ،،
كله هاا عشان الوطن .gif "12 (19)")
،،
>>> نبا نطلع الهنود من البلاد و نيلس مكانهم 
و يا ليت ما تطنشوني ،،
لو تردون على سؤال واحد بس ،،
و انا اتريا أجوبتكم .gif "12 (54)")
فــداعه الرحمن .gif "12 (43)")
1- متى يبدأ التسجيل في الجامعة ؟
بعد نهاية امتحان الفصل الدراسي الثاني لامتحانات الثانوية العامة
2- كم النسبة المطلوبة للجامعة و في أولية للنسب الأعلى ؟
فوق 85 ويعتمد على النجاح في المقابلة الشخصية يعني عادي وحده نسبتها 98 بس ما نجحت في المقابلة ويرفضونها وياخذون الي يابت 90
3- بشكل تقريبي كم تطلب الجامعة ؟ من ناحية الفلوس انا سمعت 50 ألف و حد قال 60 ؟كل سنة يزيدون 10 الف يعني هاي السنة 70 الف
4- كيف نظام السكن عندهم ؟
السكن للطالبات المغتربات او يعيشون في مناطق بعيدة مثل بوظبي والعين والامارات الشمالية
وفي سكن مزدوج وفي سكن فردي والنظام وايد شديد في السكن
5- تفاوت اسعار السكن يعني اختلاف الخدمات والا اختلاف في كم وحده وياج في السكن ؟
(يعني مثل جامعة الشارجة في غرفة خدماتها مميزة أظن شي جي )
كل الغرف خدامتها نفس الشي مافي تفرقه ووالاختلاف في العدد
6- المواصلات و كم لازم ندفع ؟
المواصلات تختلف على حسب الاماراة الي انتي فيها يعني داخل دبي تختلف من مواصلات السكن
7- متى اليوم المفتوح او اليوم التعريفي للجامعة ؟
اول يوم دراسي هو اليوم المفتوح
8- بخصوص المنح للكلية ؟ و وين اقدر احصل منحه للكلية للعلم جوازي مب اصدار دبي !
اذا انتي من بوظبي ديوان بوظبي
واذا من دبي ماشي منح
9- رايج بشكل عام في الكلية و دراستها ، و تنصحيني ادرس فيها ؟ الدراسة في الكلية تضحية يعني تختلف 360 درجة عن التخصصات الثانية يعني الطب يباله مذاكره وتعب وجهد نفس كل الجامعات ونظام الدراسة وايد يختلف عن جامعة الشارجة وجامعة الخليج وهاي الكلية خاصة للبنات بس بمختلف الجنسيات .. لازم تحطين في بالج هدف انج بتكونين طبيبة يعني مسئولة عن ارواح عشان جي لازم تجتهدين وااااايد خاصة اول سنتين وبعدين بتتعودين
10- و اهم سؤال ،، ليش الطب في كلية دبي 5 سنين و في باجي الجامعات 7 سنين !!
1- ماشي سنة تمهيدية يعني مافي فاونديشن مثل الجامعات الثانية وهالشي زين لان ما تحتاجين تدرسين عربي او رياضيات لان ما بينفعج
2- الدراسة مضغوطة والاجازة في السنة كاملة تقريبا شهر ونص
3- internship هاي سنة الامتياز بعد السنة السنة الخامسة
و resident هاي سنة الطبيب المقيم بعد السنة الخامسة تقدرين تسوينها في الدولة او خارج الدولة وبتكونين طبيبة عامة وبعدين تقدرين تتخصصيين
واي سوال فالج طيب 
أخت IM HERE هل يمكن لمن درست الطب العام بدون تخصص في جامعة خارج الدولة ان تعمل ال resident ( سنة الطبيب المقيم) هنا في دولة الامارات ؟؟ وهل يكون معترف بها للعمل في مشافي الدولة ؟؟ وكم تكلف ؟؟
آسفة على الاطالة والازعاج لكني بحاجة لمعرفة تفاصيل هذا الموضوع
جزاك الله وكل من ترد علي كل خير
المشاركة الأصلية كتبت بواسطة يابانية 
أخت IM HERE هل يمكن لمن درست الطب العام بدون تخصص في جامعة خارج الدولة ان تعمل ال resident ( سنة الطبيب المقيم) هنا في دولة الامارات ؟؟ وهل يكون معترف بها للعمل في مشافي الدولة ؟؟ وكم تكلف ؟؟
آسفة على الاطالة والازعاج لكني بحاجة لمعرفة تفاصيل هذا الموضوع
جزاك الله وكل من ترد علي كل خير
حبيبتي اظن عاادي بس تسالين احسن بعد