كل الحلى ماخذ من حلاتك :::: تطبيقي للحلويات

السلام عليكم و رحمة الله و بركااآته

بالاول حطيت لكن طريقه بعض المعجناآت اللي سويتهاآ
و هذا رابط الموضوع حق اللي ما شفت موضوعي الاول
السلام عليكم و رحمة الله و بركــاته

وعدتكن احط لكن سويتاآتي اللي طبقتهاآ من بعض العضواآت و البعض من رفيجاآتي و البعض من كتب طبخ

يلا بسم الله نبــــدأ

حلـــى التــراميســووو
(( احلى سويت عندي و كل مره اسويه ما الحق عليه ,, بس اخر مره ما فاتني سويته و اترييته و عقب كلته هع ))

المقاديــر:

2ظرف دريم ويب
2 ظرف كريم كراميل
2 علبه قشطه
علبه فيلادليفيا الصغيره
كوب حليب المراعي
2 كيس بسكوييت ليدي فنجر
1 عصير اناناس

للتزين (( لج الحريه ف اختيار التزيين ))
صوص هيرشي // او نيوتيلاا / او جلاكسي
اناناس مقطع شرايح

الطــريقه:
نخفق الدريم ويب و الحليب لحدما يستوي الخليط غليظ ,,
ثم نضيف القشطه و جبن فيلادليفياا و الكراميل // و نتم نخفقه بالخلاط الكهرباائي لمده لا تزيد عن 4 دقايق او لحد ما يتجانس الخليط
الحين نبدي نحضر البسكويت // او شي انييب كووب او طاسه صغيرونه نحطي فيهااا واحد من الـ 2 (( اما حليب او عصير اناناس على حسب رغبتكم )) بس انا افضل الاناناس لانه يعطي نكهه حلـووه
و نبدي نغمس البسكويت في العصير او الحليب و عقب نصفه ف البايركس (( طبعاا نبدي الاول بالجوانب و عقب القااع ))و بعدين نحطي طبقه من خليط الكريمه و عقب نحطي البسكويت و هكذا لحدما يخلص الخليط
و اخر شي اللمساآت الحلووه للتزيين بصوص الهيرشي // و تحطينها ف الثلاجه لمده لا تقل عن الساعتين او الـ3 ساعات (( ملاحظه :: بين طبقه و طبقه تقدرين تحطين شرايح من الانااناس او كاكاو جلاسكي سايح ))
و هني بطريقه 2

أم علي

المقادير:

1 كيس توست
حليب نيدو مذوب ف مااي بس لازم يكون شوي غليظ هب رهيف
3 قشطه
1 حليب مكثف
ربع او نصف ملعقه صغيره هيل
زيت اصيل
مكسرات
ربع او نصف ملعقه صغيره زعفران
كووب سكر

الطريقه:

يسيح الزيت و يحمر التوست المنزوع الجوانب
نحطي المكسرات ف مااي و نخليها لحدما تثور شوي و بعدين نخليها شوي تبرد و نحمرهااا بالزبده احمرار بسيط
ف جدر نحطي حليب نيدو و الحليب المكثف و نخليه على النار مع التحريك و عقب دقيقتين نضيف له الهيل
و بعدها نضيف شوي من كميه المكسرات المقلاه على الحليب مع التحريك
نتركه على النار بس تكوون هاديه و ما نبند عنه ابد (( حاولي تسوين الطبقات جريب منه او خلي احد يساعدج ف تحريكه و انتي سوي الباجي ))ف هاللحظه نحطي التوست المحمر ف البايركس
و عقب نحطي القشطه على التوست
و عقب احطي الحليب (( ارد اذكرج لازم يكون الحليب ع النااار ))و نكرر هالحركه لحدما يخلص التوست و الحليب
و نزينهاا بالمكسرات اللي خلينا منها شوي
(( ملحووظه :: تقدري تحمرين شوي ناريل مطحون و تحطينه بين كل طبقه ))
كيكه الزنجبيل
(( واايد حبيت هالسويت لذيذ و هش )) (( هالطريقه خذتها من عضوه عندنا بس و الله نسيت شو اسمهاا // كل الشكر موصول لها خليجية ))

المقادير:

2 كوب طحين
كووب سكر
نص كووب زيت
2 بيض
2 ملعقه كبيره زنجبيل
م ملعقه كبيره فانيلا
ملعقه كبيره باكنج باودر
كووب حليب مراعي

الطــريقه:

نخلط البيض و السكر و الزنجبيل لمدة 5 دقايق
و بعدين نضيف الحليب بس دفعاآت و نخلطه لحدما يتجانس
و عقب نضيف الزيت و بعد ع دفعاآت و نخلطه لحدما يتجانس
و اخر شي نضيف الطحين و نخلطه لحدما يتجانس
و اخر شي نصبهااف البايركس او تسويهاا بقوالب الدووونااآت

و تزينينهاا بصوص الهيرشي او نيوتيلاا او جلاكسي سايح

حلـــى الشعيريه
(( منوو ما يعرفهااا حلـووه ))

المقادير:

كيس الشعيريه الباكستانيه
حليب المكثف
زبده
ملعقه صغيره هيل
مكسرات

الطريقه:

اول شي نكسر الشعيريه
و عقب نسيح الزبده ف جدر
و نحمر الشعيريه ع احمرار بسيط (( لحدما يستوي لونها ذهبي غامج ))
و عقب نضيف عليهاا الحليب و الهيل و المكسرات المطحونه
و نبدي نحرك لحدما ما يتجانس
و نرفعه عن النار
نخليه شوي يبرد و عقب نبدي نشكله بغطاء دايري // للتزيين نرش عليه شويه مكسرات او كاكاو جلاكسي سايح او حليب مكثف