عيالي الله يحفظهم صغار بس كل ما اشتر يشي يديد يكسرونه لعبه كسروها عطر لعبوبه مجله جريده مزهريه يلعبون قصدي يخربون كل شي ملييت والله حاولت وياهم وايد ما في فايده تهديد بالحسنى بالقوه ماينفع قولولي شو اسوي تعبت وفضيحهتكسير وتخريب،،
حتى الجدران مستوية لوحات فنية بأقلام الروج والتحديد والكحل،،
والأدهى والامر بأقلام (الفلو مستر) او أقلام السبورة…
حاولت معاهم،، أشتريلهم سبورة،، ودفاتر رسم وتلوين،، بس ماااا ينفع…
التخريب شي غريزي عندهم..
والالعاااب ما تتم عندهم…
الله المعين..
هاي فترة من العمر و بتعدي و حاولي اتفهميهم انا هذاا الشي غلط
لاناا الياهل اذاا خرب فبيته عادي يخرب فبيت ناس او حد من اهلج او صديقاتج
هذا طبيعي و جزء من نموهم الله يصلحهم بس ان كانهم بعمر يفهمون،فهميهم انهم اذا ما حافظو على اشياءهم ما رح تجيبيلهم غيرها ،و طبقي الكلام فعلا،و عرفيهم بأنه مو زين الواحد يلعب بأغراض غيره.و أن اثاث البيت مو لعبه..
الله يصلحهم هم و عيالي و المسلمين جميع
انا عيالي بعدهم حركيين ومدمرين شوي…بس مب مثل ما تقولين…
مووول ما اخلي شي يتكسر تحت ايدهم
يعني ما حط مزهريات ولا اي شي…
والاقلام بعد بعيدة…الا يوم انا انزلهم والون معاهم…او انهم يلونون عدالي..وما ينخشون في مكان…
والمكياج بعد نفس الشي…
حكمة امي (لاتخلين شي للياهل ممكن يخربه او يفتشه او يكسره…وعقب بيتربى و بيكبر وهو مب متعود عالدمار…))
وهالشي جربته فيهم…(صح انهم ماشاء الله وااااايد حركيين)
بس في هالسولف شوي اهون…
وشي ثاني بعد…
دااااايما اشغليهم بشي مفيد…هاتيلهم صلصال..وانتي العبي معااهم…يعني علميهم كيف يتسلون فيه…
هاتيلهم براغي و سكاريب لعبية…وخليهم يعابلون و يفرغون طاقتهم…
والقصصصصص….لو تدرون كيف فادتني…
معظم العادات اللي ما تعجبني في ولدي…قدرت اتركه اياها بالقصص…
يعني قبل لا ينام…لازم اقوله قصة الولد الشاطر و الولد الكسلان…
الولد الشاطر…ما يكسر العابه((لانه ولدي من النوع اللي اللعبة تعيش عنده يوم واحد)…والولد الشاطر ما يسب حد و لا يظرب ماماته..والناس كلهم يحبونه ومن هذا القبيل…هههه
والولد الكسلان يسوي كل شي انا اريد ولدي يتجنبه…وفي القصة عقاب للولد الكسلان ومكفاة للشاطر…
وهكذا ان شاء الله ما اكون طولت عليج
المشاركة الأصلية كتبت بواسطة judy abbott 
انا عيالي بعدهم حركيين ومدمرين شوي…بس مب مثل ما تقولين…
مووول ما اخلي شي يتكسر تحت ايدهم
يعني ما حط مزهريات ولا اي شي…
والاقلام بعد بعيدة…الا يوم انا انزلهم والون معاهم…او انهم يلونون عدالي..وما ينخشون في مكان…
والمكياج بعد نفس الشي…
حكمة امي (لاتخلين شي للياهل ممكن يخربه او يفتشه او يكسره…وعقب بيتربى و بيكبر وهو مب متعود عالدمار…))
وهالشي جربته فيهم…(صح انهم ماشاء الله وااااايد حركيين)
بس في هالسولف شوي اهون…
وشي ثاني بعد…
دااااايما اشغليهم بشي مفيد…هاتيلهم صلصال..وانتي العبي معااهم…يعني علميهم كيف يتسلون فيه…
هاتيلهم براغي و سكاريب لعبية…وخليهم يعابلون و يفرغون طاقتهم…
والقصصصصص….لو تدرون كيف فادتني…
معظم العادات اللي ما تعجبني في ولدي…قدرت اتركه اياها بالقصص…
يعني قبل لا ينام…لازم اقوله قصة الولد الشاطر و الولد الكسلان…
الولد الشاطر…ما يكسر العابه((لانه ولدي من النوع اللي اللعبة تعيش عنده يوم واحد)…والولد الشاطر ما يسب حد و لا يظرب ماماته..والناس كلهم يحبونه ومن هذا القبيل…هههه
والولد الكسلان يسوي كل شي انا اريد ولدي يتجنبه…وفي القصة عقاب للولد الكسلان ومكفاة للشاطر…
وهكذا ان شاء الله ما اكون طولت عليج
ما شاء الله عليج
أحسج تتكلمين عني 
انا جي مع عيالي بعد
والحين: مسوية لهم برنامج تعليمي وللحين ما بديت فيه
باقي لي اشتري لهم بعض الاغراض التعليمية
بس أنتظر تنزيلات البيبي شوب
عقب هجوم هههه
الله يحفظهم يا رب