بنات حبيت اخبرركم.. كيف تقوومون لصلااة الفجر بدون مشااكل ><
انا اررررركب المنبه ..ومول ما اسمعه…… خير شر.. وما اشوف عمري ناشه الا متاخر
وما مصليه حراام.. كيف تقوومون لصلااه الفجر..علما باني ارقد بسررعه بس بعد ما فااد
بلييز خبرووني كيف تنشوووووون بنشاااط وبدون اي عيازه.. !!
كل وحده تخبرنا طريقتها وتفيدنااا….. ابي اصلي هالصلاة في وقتهاا 
اولا عليج بالدعاء .. ادعي رب العالمين انه يعينج على أداء صلاة الفجر .. يوميا قبل لا ترقدين ادعي ..
وثانيا غيري المنبه .. يمكن المنبه صوته مب عالي وايد خذيلج منبه صوته أعلى ..
وبعد اذا عندج حد في البيت يوعيج ويتأكد انج قمتي وايد زين
وان شاء الله ربي يعينج ويوفقج لأداء الصلوات في وقتها
بما ان ريلي ينش للدوام ع الساعه 5.30
انا اظبط تلفووني على 5.15
انش قبله واوعيه..ولين ماينش معاناه طبعا
خخخخخخخ حليله
لين مايتغسل او يسبح ويظهر استوت 5.45
طبعا اسكر الباب وراه واكون صحصحيت شووية
اسير اتوضى واصلي واقرى اذكار الصبااح من تلفوني
ورنة تلفووني قارئ يقول الاذكاار بصوت عاالي بس مريح
وفي اياام الاجااازة احط تلفووني بعيد عني عشان يحرشني واقووم
من مكااني ومن يدقني البرد اصحصح واسير اصلي
بس الاهم من هذا انج لما تنشين وتكونين متهاايزة فكري انج بضيعين الصلااه
وليش يعني غيرج احسن عنج ياخذون الاجر وانتي لاا !!!
وسلاامتج