{ كل وحده سافرت أوروبا وألمانيا تحديدا تدخل}

السلام عليكن
اشحالكن خواااتي عساااكن بخير

ابغي اسأل اللي سافرت ألمانيا او إلي اي دوله اوروبيه في الصيف

للسياحه
كم كلفتها السفره من تذاكر وحجوزات الفنادق والمطاعم والمواصلات من غير الـــShopping

والسموحه

والله الغاليه سعر التذاكر يعتمد على الوقت و الدرجه
المواصلات ممكن تستعينين بلقطارات و التراااااام يعني ما بيكلفج وايد
الفنادق على حسب في الشتاء يكون ارخص عن الصيف
والله ما ارووووووم احددلج كم بضبط

مشكوره الغاليه على مرورج

انا ابغي اسعار تقريبيه…

سمعت ان حد مسافر للسياحه ب300 ألف ..كمن دوله معقوله..؟؟

يسعدلي يومج ختيه

نحن سافرنا فـ الصيف

ألمانيا والنمسا وسويسرا

كلفتنا السفره واايد

ختيه السفره انتي تحددي كم التكلفه

اول شي حسب سعر التذكره ونوعها سياحيه او بزنس
ثاني شي السكن ومدة الاقامه ونوعه ؟
ثالث شي المواصلات شو بتستخدمون سياره او باصات او الاندروقراوند ؟
رابع شي الاكل .. بتاكلين في مطاعم عربيه او راقيه او فاست فوود

اذا تبغين اي مساعده ما يردج الا كيبوردج

^_^

ياربي كتبت وايد وضاع كله
بعيد بختصار
انا اسير اوروبا من تسع سنوات
تحسبين سعر التذكره درجه سياحيه … ايجار السياره … سعر الفندق لو كان في الريف بيكون رخيص وايد
اما غير هاذا يعني الاكل والمشتريات كأنه في بلادج
يعني انا وريلي وعيالي الاربعه نسير هناك شهر من خلال ميونيخ في المانيا ونسكن في الريف ونتنقل بسيارتنا الايجار وفيها خريطه نمشي علىيها .. 35 الف مع التذاكر والسكن وايجار السياره
اما المعيشه والاكل والسوق كأنج في بلادج اللي بتصرفينه هناك صرفتيه هني ..

وفيه جمعيات رخيصه مثل كارفور
في الريف بتطبخين اما المدن مثل ميونيخ فيها مطاعم عربيه ووجبات سريعه وسعرها مثل بلادنا
اختي صدقيني يقولون اوروبا غاليه لو حسبناها صح بتكون عاديه بس توفرين مبلغ حق التذاكر والسكن والمواصلات …… وغير هالشي كأنج في بلادج تصرفين وتشترين وتاكلين وغيره

انا اسير صارلي تسع سنوات اتمتع فيها على ترتيبه ونظافة البلاد والامان والراحه والجو كأنه جنة الله في الارض الريف طبعا على بعد ساعه عن ميونيخ واكثر