اشحالكن يابنات عساكن ابخير
بنات أنا احس بالوحده وايد وايد فوق ماتتخيلن
يمكن لأسباب وايده . تأخر فالزواج، ماعندي خوات،مب متفاهمه مع امي ابدا+امي لاهيه فدنيا ثانيه،ماداوم،ربيعاتي كل وحده لاهيه بحياتها وريلها وعيالها واللي مب متزوجه عندها دوام ومب فاضيه،ماطلع من البيت
والله ماكذب عليكن تمر عليه ايام ماطلع من الحجره الا إذا باكل. بالايام ماكلم حد يضربني اكتئاب مب طبيعي وايد اصيح على حالي كل يوم وكيف كنت قمه فالتفاؤل والنشاط والحيويه أ
كل حياتي مخبوصه ماشي ترتيب ارقد الصبح وانش الليل الحمدالله محافظه على صلاتي بس ماقرأ قرآن مقصره بهالشي ودوم استغفر وايد تيني وساوس وافكار بسبب الفراغ الفظيع اللئ عايشتنه والله يابنات مافي بنت ماتفكر بالاستقرار والزواج وانه حد يحتويها ومايخليها تحتاي لأي شيء بس فيه بنات صدقوني مايفكرون لانه هلهم محتوينهم من حب واهتمام أنا مب لاقيه هالجو ابدا وهذا اهم سبب يخليني مب بس اتمنى اعرس الا اهج من ألبيت من كثر المشاكل والانانيه اللي فبيتنا انتو متخيلين وحده بالايام ماتطلع ولاحد حتى يفكر يدق عليها الباب يشوفها حيه. والا ميته والله ادري بتقولون لي الصبر صبرت والله بس أنا انسانه يعني ضعيفه ابا الستر ابا استقر ابا احس لي. وجود فهالدنيا مب حالي حال الكرسي مالي اي اهميه حتى الكرسي الواحد يستفيد منه
مابا منكن غير دعوه من القلب انه الله يفرج همي ويرزقني السعاده وايام حلوه واتزوج. واييب عيال يعوضون بوايد اشيا والله يرزق كل وحده فيكن الستر واللي بخاطرها
افضل حل انج تشغلين وقتج باي شي
حاولي تكملين دراستج ï»»نج بتستفيدين
بتكونين طول الصبح بالكلية وبترجعين ظهر بترقدين
وبتنشين عصر ومن مغرب بتبدين تذاكرين
احسه حل حلو حقج
وعقب الدراسه باذن الله بتشتغلين وبجذيه بتتغلبين ع الوحده
وبيزول عنج هالوسواس وهالتفكير
ï»»ن الشيطان قاعد لابن ادم يبيه يكون وحده عسان ينكد عليه
انا بعد كنت ادرس بكلية
وكنت ابدا مو فاضيه
حياتي كلها دراسه و وناسه اختلط بالناس
و سوالف وتسليه ودراسه
وارجع جريب العصر وارقد وانش عصر جيه ايلس اذاكر
وجدولي كله متروس ماعندي وقت افكر ف شي
وعقب طلعت من الكلية لظروف خاصه
وصارلي سنه وهاذي سنة الثانية لكن بمووووت من الملل
قدمت بكلية ثانية بس لظروف اجلت هالكورس <<<<<<<<قصة حياتها ههههه
الله يوفقج يالغالية
حاولي انج اتكملين دراستج و تشتغلين وجي بتملين وقت فراغج بالشي المفيد وحطي في بالج ان الزواج قسمة ونصيب ومافي وحدة ما تتمنى يكون عندها اسرتها الخاصة بس دائما الجي لرب العباد وادعي في النصف الاخير من الليل واتصدقي ولو بدرهم وبتشوفين كيف تتغير حياتج للافضل ان شاء الله
والله يوفقج ان شاء الله
طبعا مافي بنت ما تتمنى يكون عندها زوج وعيال واسرتها الخاصة بس دائما خلي ثقتج بالله كبيرة وان الله يريد لج الافضل
حاليا حاولي تشتغلين او اتكملين دراستج وجي بتملين وقت فراغج بالشي المفيد والله يوفقج اختي فيما يحب ويرضاه
هذا حال الدنيا والانسان ملول بطبعه
كما ذكر فالقران صدقيني الفراغ راحة ونعمة قبل كنت مب متزوجة كنت احس بفراغ وتزوجت ونفس الشي احس بفراغ ماعندي عيال الحمدلله اشوف حريم اخواني وخواتي وحمياتي متلعوزين ويا عيالهم والصبر احسن شي لانسان وعيشي حياتج وطلعي وزوري حالاتج وعماتج وقضي امورج وسوي لج روتين نشي لصلاة الفجر وداومي ع قراءة القران وتريقي ويا اهلج وضحكي وسولفي وعادي دخلي المطبخ سوي ريوق شوفي البيت ررتبي بخري اهتمي بجمالج والله صدقيني بتشوفي الحياة حلوه والتفكير هذا طلعيه ربي يوفجح وبتتغير حياتج لافضل وادعي ربج وحافظي ع اذكار المساء والصباح