كمن سؤال ف الطبخ للخبيرات ؟؟

السلام عليكم ….

عندي كمن سؤال يا ليت تردون علي لأني غشيمه ف الطباخ >_<

كيف تنظفون العيش بطريقة مثالية ؟؟ كم مره تغسلونه ؟؟ ابغي بالتفصيل …

وابغي طريقة الحشو … يعني مثلا حشو لبرياني او مجبوس …. وحشوة مقلى السمج .. بالتفصيل …

ومشكورين مقدما ……

الله يوفقج اختي

العيش اول شي تنقينه لو كان فيه شوائب وبعدين غسليه كم مرة لين تحسين الماي استوى صاااافي مافيه شي وبعدين تودنينه لمدة نص ساعة تقريبا وبعدها مرة ثانية تغسلينه مرة ولا مرتين وبتلاقينه نظيف …

تسلمين اختي رابعه ع الرد ما قصرتي … يزاج الله خير …
يعني بالمختصر نغسله مليون مره >_< وبينظف …

انزين طريقة الحشو .. يزاكم الله خير …تعرفون اي وحده ,, اللي يكون فيها حبات عدس الاصفر وزبيب وليمون يابس مقطع .. ؟؟ ابغي طريقة حلوه للحشوه علشان تضبط …

اللهم لك الحمد والشكر كما ينبغي لجلال وجهك وعظيم سلطانك
اللهم لك الحمد حتى ترضى ولك الحمد اذا رضيت ولك الحمد بعد الرضى
اللهم لك الحمد عدد خلقك ورضا نفسك وزنة عرشك ومداد كلماتك
اللهم لك الحمد على الاسلام .. اللهم لك الحمد على أن هديتنا ..
اللهم لك الحمد والشكر على جميع النعم التي أنعمت بها علينا

العيش يوم تغسلينه يطلع منه لون ابيض وهذا يسمونه نشا
والمفروض تغسليييييين العيش لييين مايصير الماي بدون لون يعني شفاف ونظيف
في هذي الحاله يكون العيش مغسول زين وجاهز للطبخ…

الحشوات تختلف من طريقة لي طريقة إذا تبين عربي تحطين حشوة النخي وبهارات خفيفه أما إذا هندي لازم بهارات هندية وماله حشوه سواء إنه في أحيانا يكون بالروب وأحيانا لا وبعدين البرياني الهندي أنواع وايدة يمكن فوق العشر أنا بس أعرف يمكن خمسه منهم أما بخصوص المجبوس حد يحشى الدياي ويقليه وحد لا حد يخليه المجبوس لونه أصفر وحد يخليه أحمر وحد يحب يسويه أخضر على حسب تمرس الشخص في الطبيخ … وعموما يبالج تجربين كم مره لين يضبط معاج لأنه مب أي وحده تعرف تطبخ من أول مره اللي ما يخرب ما يتعلم ….

تسلم ايديدج

ولاهنتي