كم كان عمرج عند الزواج و شو هو العمر المناسب برايج للزواج

سؤالي و موضوعي هو كم كان عمرج يوم تزوجتي وشو هو العمر المناسب للزواج ؟؟
و على اي عمر صرتي أم لاول مرة ؟
( خواتي اللي حابة تجاوب بس عسب نستفيد ان شاء الله )

انا تزوجت وعمري 21 …بعدني عروس يديده ^_^ ماحملت يعني…

وفي اعتقادي السن المناسب للزواج هو 20 …

وتسلمين ختيه عالموضوع

وانا اتزوجت وعمري 20
وصرت ام وعمري 20 ونص ^_^
اعتقد ها السن مناسب للزواج

انا مب معرسة لاني اعتقد ان انس سن هو 25 طبعا عقب ما تستانس الوحدة و تعيش حياتهاا ..

انا عرست و عمري 18 والحينع 22 وشوف كله يعتممد عالعقل و شخصيه

انا من راي الاخت مريم السويدي… انسب عمر للزواج من 25 وطالع… خص للبنات الطموحات اللي يحبن يكونن مخلصات دراسه وودهن يدخلن ميدان العمل…
انا بالنسبه لي تزوجت في هالعمر.. حسيت اني عشت حياتي بالطول وبالعرض قبل العرس.. لين ما اكتفيت من العزوبيه والحمدلله اللي ياني فارس احلامي في الوقت المناسب..
وارفض اي حج يقول كلمة عانس.. لان الحين صار مافي سن للزواج مثل قبل ييوزون البنات من عمارهن 13.. الحين يعرسن في ال30 ولا يبين عليهن..
وربي يرزق كل وحده تتريا نصيبها بالزوج الصالح..

انا اشوف مب شرط شي بنات عمارهن 17 وفتحن بيوت وقايمات بالواجب

كل شي وبالشخصية والعقل و الرزانة