كوشة ولا في الخيال !

صباح الخير بنات ..
بغيت استشيركم في شي واخذ من تجاربكم ..
بغيت اسالكم عن محلات الكوش في الشارقة ..بغيت حد ثقة .. شغلة راااقي … وسعرة معقووول ..
بصراحة وايد ناس يمدحون ويذمون محد المناسبات اللي عدال سوق الذهب .. ><
بغيت اعرف عن اسعار ودينق فور لايف .. وفي بنات بعد يمدحون انترك في شارع الوحده ..
شو رايكم .. ؟ ؟

مرحبا غناتي
حبيبتي احنا راسنا دار من كثر ماندور في المحلات
بس اذا تبين شي راقي لازم ميزانيتج ماتقل عن 20 الف هذا غير السنتر بيس
حبيبتي هي المناسبات نصاب فنصيحة لاتسيرين
في الشارجة عندج محل جاردينيا روعة شغلهم بس شوية غالي
و بعد عندج محل الابداع هو فرع من محل بون بون اللي في بوهيل بعد
في محل تبر للزهور بعد االي جريب من نادي الفتيات بالشارجة

اذا ميزانيتج تحت 20 الف
روحي تهاني الخليج عدها اشياء حلوة
وبعد عند المهد

و حبيبتي محل ودينق فور لايف وايد غالي يعني مال 35 الف وفوق
اتمنى اكون افدتج

انا كوشة اختي كانت من جاردينا اللي فالشارجه صوب سوق الذهب و الله الكوشة كااااااااااااانت فخمة رووووووووووووعة رووووووعة رووووووعة و صدق مثل ما جفناها فالصور و فاجئونا بالمفارش و ستايلات الطاولات و الله سووو القاعه فخمة من شغلهم

طيب بنات .. بغينا انعرف كوش مناسبة للملجة ؟ يعني في حدود 5 الى 7 الاف ..

حد جرب محل الاثير ؟

بصراحة ما ابغي اقول شي للعروس وعقب تتوهق ><

سامحيني ما اعرف والله يوفقج

فديتج المناسبات واللي وياه بنفس الشارع كلهم اي شي

لو تلفين عدل بتشوفين كل الصور متكررة عندهم وغير هذا تراهم ينزلون صور من النت
عساس هاي كوشهم لكن الاصل مو مالتهم لكن بيسوون لج مثلها عاد انتي تظمنين الشغل كيف بيكون !!.

عندج محل الحلم فالشارجة والله كلمة روعة شوي عليه.. انا سويت كوشتي عنده والمسكة ان شاء الله
انتي لو تلفين كمن مكان وايد احسن لج.. و عن ودينق فور لايف ماتقل اسعاره عن الـ 25 هذا اذا كان يعرفكم بعد

الغالية بس في ناس كانوا يذمون الحلم ><
احترت والله .. ! ! !