وقلبي على نار ناطـر
ثاير من الشوق ثار
وحشني شوف الكويـت
مدري شقدم هديــه
كل شي اشوفه شويـه
هي نجمه الشرق هي
وهي عروس الخليــج
الكويت مني وفيني
مكانها وسط عينــي
ابيها واهي تبينــي
وهذا الحكي من زمــان
يا ناس قلبي دخلهـا
من قبل ما اوصل وصلهــا
من كثر ما احب اهلها
اموت فيها واهيـم
اليوم بحطلكم صور سفرتي للكويتالحبيبة فالويكند ( من 3-2 و رجعة 5-2)
الجو كان بررررررررررد بس روعه ماشالله
و اتركم مع الصور
طرنا عفلاي دبي و الحمدلله كانت اوكى
سكنا اف فندق كورنيش فالسالمية جريب المارينا مول و انا و اربيعتي خذنا سويت فيه حجرتين
الصراحة ماصورت المراكز لنه مثل الي عدنا و بس سرنا الايفينيوز بس عشان محل دير اند دير هيه ماركة كويتية لبسهم خبال
و سرت سوق المعلم و خذتلي اغراض حلوه
يتبع ..
و من المطاعم الي سرنالها
مطعم ايامي في المارينا
يلسته حلوه شي اندور و اوت دور و برع حاطيلج دفايات عن البرد
مطعم لانوتغ أو لانوتر لأنه فرنسي فتنطق الراء الأخيره غين فالمارينا
مطعم بزة جريب سوق المعلم
ام الجريدة اربيعتي من وصلنا الكويت و هيه امجابله الجرايد تقرا عن الانتخابات و قلتلها الا اصورج ههههههه
يتبع …
كان ودي السنه اروح هالشهر لكن التواريخ الي حاطين في بالنا نروح وقتها ماسمحت طلع عندنا مواعيد ><
تسلمين ع التقرير
انا الي ما اكل سمج .. طلبت امطبق زبيدي
و غرااااااااااااااااااامي دين اند ديلوكا الي فالايفينيوز
و بعض الصور المتفرقة
كنافة من كنفاني
يتبع …
بس فاجأنا اربيعتي ام الجرايد فالمطعم و هاي الكيكه
و من الطيارة
و جيه خلصت رحتنا للكويت و و ايد استانست فالرحلة السريعه الحلوه و اشكر صديقاتي الي ين ويايه اونها هاي سفرة الباجلر بارتي قبل العرس اف3 شهور …
و تراني ظالمه الكويت اب هالتقرير الكويت كفاية جوها و ناسها والله انهم فلة بس ايعرفون انج من الامارت جوفي المعاملة كيف
و الله انكم ذوق يا اهل الذوق و صدق صدق الكويت فيها ذكريات حلوه
و ماقدر انسا ناسها غاليين على و الكويت مني و فيني و ربي يحفظج يالكويت
و سلامي لكم
أم خرباش
ماشفنا شي خارجي غير صورتين ؟!؟
نبا نشوف شوارع منتزهات كرنيش ؟!
تسلمين مره ثانيه ^^
.gif "12 (4)")
جيه حلوه تعيبني لابعد الحدود .gif "12 (80)")
و ناسهااا طيبين لابعد الحدود ^^
و عن الزبيدي صدقج لذيذ نحن كله على الغدا نطلب مطبق زبيدي
حتى من يومين اقول حق ريلي ابا اروح اكل زبيدي .gif "12 (61)")
حتى شربت مره كوكتيل ما اعرف من وين جيه اظني صوب سوق السالميه
صوب تسجيلات عبدالله الرويشد .gif "12 (52)")
>> يمكن
المهم وايد لذيذ لدرجة ان نحن كنا متعشين و ماشي مكان
حتى للهوى بس شربناااه ههه
يعطيج الف عافيه ع التقرير البسيط و القميـــل .gif "12 (7)")
نتريــا يديدج .gif "13 (5)")