اشحالكم خواتي عساكم بخير ~ ^^
اممممم
بصراحة .. انا متعودة ابدأ احط ميكب .. يعني في أي مكان اروحله .. بس من داومت ..
تعودت احط كل صبح .. كحل .. وشوية مسكرة .. و روج مع غلوس وهيك شي ~
تبون الصدق .. ان داومت بدون كحل < الكل يطب علي شفيج شفيج شفيج .. اكيد مريضة .. ليش شكلج متغير ؟ ليش متضايقة ..< الخ ..
تهل علي هاي الانواع من الاسئلة بس عشان اني مب حاطه كحل !
الكحل مايغير شكلي ..او بالاحرى شكل عيوني .. بس طبعا تعرفون شو اقصد .. يبين هو
ونفس الشي يوم ماحط غلوس
انزين ..
انا يوم ماحط كحل وغلوس < جربت هالشي عدة ايام
احس اتييني حالة نفسية .. مادري كيف احس يعني بضيق واني مب مرتاحة في يلستي ولا شكلي .. وخاطري احين اقوم اغسل ويهي
حتى صدقوني .. احس احيانا بالتعب ..
وكل ها ليش .. لاني مب حاطه كحل وغلوس ..
أحيانا انش الصبح .. احس ويهي مبقع ودهني زيادة
شو اسوي ؟
احط بودرة .. والبودره هاي وايد تخفي عيوني < واحيانا اتطور واحط بلاشر
المووهييم خواتي ..
مختصر كل هذا
انا ابعد عن هالشي
أولا < مابي بشرتي تخترب بسبة الميكب كل صبح .. وانا جي توني صغيرة
وثانيا .. < مابي اغضب ربي .. ويانا شباب رياييل عرب اجانب .. اتضايج انا !!
ههه يعني جد احس عمري انسانة جدا غريبة
ان حطيت ميكب < .. اقول متضايقه لاني ادري حرام وجي لاني اعتبر متبرجة
وان ماحطيت تصيبني حالة ونوع من التعب ..
شو ممكن اسوي ساعدوني الله يخليكم
شو اللي اقدر اسويه اني ارتب شكلي وبشرتي قبل الدوام .. واروح بدون كحل .. بدون غلوووس .. بدون بودرة ..
يوم ماحط كحل قلتلكم شو يستوي
وانا احط غلوس لان شفايفي متقشرة وايد .. ولازم ادهنها كل شويه .. طبعا ماقدر اودي فازلين وياي ههه
فيعني احط غلوس او روج
ساعدوني الله يخليكم .. ابا ادوام واسوي اللي علي وضميري مرتاح
اتمنى فهمتو شو قصدي ..
اترياكم مع دعوات طيبة من قلوبكم ^^
ربي يوفقج حبوبه وتلقين الحل اللي يريح قلبج
الله اكبر.الله اكبر
الله اكبر.الله اكبر.الله اكبر
الله اكبر.الله اكبر.الله اكبر.الله اكبر
الله اكبرالله اكبر.الله اكبر.الله اكبر.الله اكبر
الله اكبر.الله اكبر.الله اكبر.الله اكبر.الله اكبر.الله اكبر
المشاركة الأصلية كتبت بواسطة دار بوسلطان 
تسلمين يالغالية عالنصيحة الطيبة جعلها الله فميزان حسناتج ياااااااااااااارب
واهم شي بشرتج اتكون نظيفه . . يعني اتشوفين بنات ما شالله ويهم صافي بدون بودره
اول ما تنشين الصبح بدال البودره امسحي ويهج بسكينول او بتونيك غارينيه
وبعدها امسحي ويهج بالكريم اللي ترتاحيله وانـا بصراحه استخدم كريم من جونسون اند جونسون
عندهم وايد انواع مثل مرطب 24 ساعه . . مرطب الليل . . مرطب النهار . . الخ
وهذي صورته
ولشفايفج مب لازم تشتخدمين فازلين . . اي شي ثاني مثلا
[IMG]https://forum.****.com/imgcache/2/276704women.jpg[/IMG]
او من البودي شوب
[IMG]https://forum.****.com/imgcache/2/276705women.jpg[/IMG]
ولاتنسين . . انـه شفايفج تتقشر لانج ما تشربين ماي حاولي تكثرين من الماي
.
.
واهتمي ببشرتج اكثر فترت المسا او حزة لرقاد
لانه بمرور الوقت بتحسين بتحسن ف بشرتج
سويلج بنفسج جدول يومي الصبح والمسا و لا تستغنين
وف الاسبوع مره سوي ماسك لويهج او كل اسبوعين
بين الصدق هذا جدولي =q
وحبيتج تستفيدين منه
.
.