انا الله يسلمكم وزني كان زايد قبل الحمل بسبب الإجهاض وخوفي من الحركة والنفسية بعدين الله كتبلي الحمد الله الحمل والحين ربيت من 4 شهور وهذا الحمل الثاني بس أعاني من زيادة الوزن وكرشة مترهلة ومنتفخة وزني زايد عن الطبيعي حوال 30 كيلو 85 كنت بالهوزن قبل حوالي ل10 سنين ونقصته بس صار عندي كرشة مترهلة ومع الحمل والولادة زادت المشكلة بسبب الوزن والوقفة والتجسيف طول الليل مع الياهل ركبتي تعورني حتا الصلاة علا كرسي >_<وسويت علاج طبيعي ولا فاد الطبيب قال بسبب نقص فيتامين دال وأخذ الحين حبوب بس مب قادرة امشي او أسوي رياضة بسبب الركبة وريجيم ما اقدر بسبب الرضاعه فياليت تفيدوني بنظام او شي اشربه فنفس الوقت ما يقلل الحليب علا الأقل أنقص شوي يمكن تخف الركبة واللي مرت بحالتي تفيدني مالي غيركم بنات افضض له وما تقصروا خواتي واحبكم فالله
انصحج اتابعي ويا دكتور تغذيه هو بيشوف اللي يناسبج وبالمره اتابعي وياه ولا تقطعي النظام
بالنسبة لي ناوية بإذن الله أسوي هالشي من أربي
كل أكلج خليه سوائل ( شوربات بكل أنواعها، عصاير من فواكه وخضروات)
ابتعدي عن الكربوهيدرات ( عيش، خبز، معكرونه إلخ)
كثري بروتين ( صدر دجاج، أسماك، لحوم خففي منها شوي)
وخذيلج فيتامينات كمقوي غذائي
حليبج بيكون صحي للياهل وف نفس الوقت انتي بتنقصين لأن السعرات الحرارية بتقل
و ع فكرة الرياضة ما منها فايدة اذا ما عرقتي، يعني العرق دليل ع حرق الدهون
خذيلج تردميل المشاية الكهربائية وابدي شوي شوي
شي سيديهات تنباع وحتى في اليوتيوب تمارين وزعيهن ع الأسبوع
مثلا:
أول يوم التركيز على عضلة اليد والجتف
ثاني يوم تمارين الرجل والأفخاذ
ثالث يوم تمارين معدة
وهكذا
وابدي 30 دقيقة وعطي نفسج إجازة بين كل يوم تمرين، يوم راحة!
لين ما تتعودين وتزيدين المدة إلى ساعة
والله تقدرين شدي حيلج أهم شي العزيمة والإرادة
أنا ف حملي الأول زدت 27 كيلو!
وايد تحطمت وما بقولج نقصتهم لا بالعكس تميت أزيدوأنقص ولخبطة
ف حملي هذا وعدت نفسي أراقب أكلي وما شاء الله تبارك الرحمن ما زدت غير 6 كيلو
وناوية بإذن الله أرجع لوزني الطبيعي قبل الحمل واضغط ع نفسي أرجع جسمي شرات يوم كنت عروس
خاطري أرد ألبس شرات قبل لاعب جبدي من الجلابيات!
الله يوفقج ودعواتج الله يسهل عليه ولادتي
لأَنِّي فعلا مضايقة من كم سنة ما وصلت لها الوزن وزني وصل فالحمل ٩٥ والحين ٨٨ يعني نقص شوي بس بحاول بعد اروح عند دكتورة تغذية عشان التزم اكثر انا الحمد الله عندي إرادة من قبل نازلة حوالي ٢٥ كيلو وكنت محافظة بس اهملت نفسي هالحمل وقَعَدت البيت بعد
بس اذا فيه شي نشربه مثل خلطة ما تاثر علا الرضاعه ياليت تفيدوني