كيف ابدا باطعام ابني

اشحالكم

ولدي عقب عشر ايام بيكمل الشهر الخامس

وانا حابه امهد معدته للاكل
امس يبت عيش مصري وسلقته وشربته ماي السلق مره وحده واليوم سويت نفس الشي
ووبتم جي لين ما يكمل الخامس بشتري سيريلاك
هل تصرفي صح ولا لا
وياليت اتفيدون باكلات صحيه

مع العلم ارضعه طبيعي ومن الشهر الرابع بديت اشربه ماي وناويه ارضع لين سنتين

وشاكره لكم

ماعندي فكره الغلا

جوفي فديتج تصرفج صح
وعندي واايد اكلات انا ما ادري اذاانتي من النوع الي تحبين الجاهز ولا اكل البيت

المهم ببدا بالجاهز :
في وايد منتجات تبدا من اربع شهور في سيريلاك الصحه … ومن ميلوبا ارز او تفاح او فواكه او خضره
وفي بعد فواكه تكون في علب …

والاكل الي تسوينه في البيت :
تقدرين مثلا تبداين بالاشياء الخفييفه مثلا تفورين العيش وعقب تحطينه في الخلاط وترومين تضيفين معاه حليب طبيعي او صناعي …وعقب بالتدريج تبداين تاكلينه البطاطس والجزر تفورينه وعقب في الخلاط

انا بقولج شو اسوي انا ولدي تقريبا نفس عمر ولدج
بس اعطيه من ميلوبا فواكه …وافور عيش مصري واعطيه الماي مال العيش
وانشالله عالشهر اليااي بفورله خضروات ….^_^
واي سؤال عــ الخاص انا مووجوده

ام سيف
مشكره اختي علىالوصفات

بس تددرين الفواكه الي تنباع جاهز في علب غير صحيه سمعت عنها

ان شاء الله بسوي شراتج

ياربي والله ما اعرف اسوي اكلات يحليله ولدي الشهر الياي بيكمل 4 شهور

الله يقدرج يا رب … الرضاعة مهمة …
بس عندي سؤال ليش تشربون عيالكم ماي سلق العيش ؟؟؟ المفروض تهرسون العيش و تعطونهم إياه !!!
لأنه ماي السلق يكون مفيد في حالة الإسهال …

المهم ….
بالنسبة للأكل الجاهز ممكن تلجئين له في حالة الطلعات ( سوق .. مستشفى لا سمح الله .. زيارة .. في السيارة إذا ياع …إلخ ) و في أشياء وايد مفيدة مثل السيريلاك و أحين وقت ادخليله اللي بالقمح ..
و في شركة هاينز عندهم أكل مطحون مثل السيريلاك في كراتين ممكن اتفضينه في علبة ..
و شي البسكوت و أفضل نوعية الفارليز و أحين جربت لبنتي الهاينز و بعد حلو ( اتذوبينه في ماي و الأفضل في حليبج و اتعطينه إياه بالملعقة ) ..

بالنسبة لأكل البيت (( استانس يوم يوصلون عيالي لمرحلة الأكل أبدا أبدع إلهم )
الي يحتاجه وجبتين فاليوم لين يكمل 6 شهور .. و كل أكلة تستمرين عليها كم يوم عشان تلاحظين إنه ما حسس منها ..

الريوق … كستر ويا شكر و ماي عالنار ….أو كويكر نفس الطريقة .. و ممكن تضيفين للكويكر بدل السكر تمر (( و شوفي الفايدة العظيمة له )) ساعات صراحة أحطه ويا الكستر ..
و إذا متعايزة سوي سيريلاك أو بسكوت ويا الحليب ..

الغدا أو وجبة بعد الظهر …
عيش مطحون … كوسا مهروسة .. بطاطس هروسة .. جزر مهروس .. و بعد ما يتعود على هالأنواع كل واحد بروحه و بين نوع و نوع كم يوم // ابدي اجمعي بين نوعين ( عيش و بطاطس مثلا مع شوية ملح إذا ما استساغه تهم ، (يعني بدون ملح )
و ممكن تفورين أي نوع خضار مع شوية كويكر و اتضربينه فالخلاط ..

العصر ممكن تضربين له فنخ ( قطعة ) تفاحة أو كمثرى أو دراقة .. و بالملعقة ..
في البداية عطيه عصي البرتقال مخفف بالماي و بعدين عالخامس أو السادس بدون ماي ..

و في السادس ممكن تضربين أي نوع فواكه مع عصير البرتقال ..
و ممكن ادخلين له الروب .. بداية 3 ملاعق و بعدين على الغدا ويا العيش أو الخضار …
و ممكن العصر تعطينه روب بالفواكه يا الجاهز و إلا اتجهزينه روحج فالبيت ..

والأفضل إنه يتناول الطفل في اليوم وجبة روب عشان نموه سواء لوحده و إلا مخلوط ويا شي .. و هذا يالسة أطبقه ألحين …
إمممم شو بعد …………
هيه عالسادس تقدرين تلحسينه شوية جبنة مثلثات و إلا كيري مفيييدة جدا .. و شوي شوي دخليله اللبنة …
و الدياي تهرسينه ويا العيش في السادس و شوية روب و إلا صالونة البيت بس بدون بهارات و بزار..

و من السادس و طالع تقدرين اطعمينه الهريس و العرسية و المضروبة و العصيدة شوي (( يعني ترتاحين إذا كنتوا مسوين هالأنواع ما يحتاي تتطبخين ))

هذا اللي يحضرني ألحين … و أي سؤال أنا فالشوفة ..

انا استفت منك خواتي
ومشكورة صاحبة الموضوع