الوحام صعب و متعب وايد .. كارهة كل شي والله .. نفسيا وجسديا قاعده اتوحم ..
مافي اكل يتم فبطني .. اجبر عمري ولكن يطفح و يتم ع جبدي مو ما ينزل حتى لو ما ابا رجع .. وقت الصلاة تيني اللوعه و ارجع لان انزل راسي ..
ما اروم اصلي وانا واقفه لان ع طول ارجع .. اوقف وانزل راسي ع طول يرتفع الاكل .. اخييييييي ..
اشم رواىح ما عرف من وين ..
اكره المكيف .. اموت من الحر و لا افتح مكيف ..
اجوف مرضعه الصغيرونا و اشم ريحة الحليب ع طول ارجع ..
ما احب احط شي ع ويهي .. قبل كريمات و مرطبات و ماسكات ..
الحينا بس اغسل ويهي بسدر عشان الصفرا تروح .. ما احب الروج يلوعلي جبدي و البودره ..
ماعرف ليش جي .. ما قمت اطيق ريحه الاكل و هو ينطبخ ..
في بنتي كنت ارجع وااااااااااااااااايد و اشم روايح وارقد .. بس هالمره ترجيع بس مو اوفر مثل اول مره و الروايح اشم بس بعد اخف عن اول حمل بس الوحام النفسي .. اخي معلقه ع نوع معين من البجامات ما البس غيرهم .. كرهت كل شي ما عرف ليش ..
ما اعرف متى بيخلص هالشي ..
انا بدش الثالث الاسبوع الياي .. في بنتي خف الزواع وروايح وكل شي في الثالث و في رابع كنت طبيعيه .. فهالنونو مادري ان شالله اخلص بسرعه ..
ممكن تساعدوني باشياء ممكن تخفف لي من هالوحام الغريب .. اخي احس عمري قذره ماعرف ليش مع اني وايد اتسبح و وايد اغير ملابسي عادي 4 مرات مغيره بجاماتي ..
واحس بكابه فضيعه مافي شي يفرحني و وايد اتنرفز قمت ما اطيق اسمع الكلام مرتين .. امبيه ماعرف ليش جي احس جني جنغل ..
الغاليه انا نفسج كان وحامي واااايد هاذي المرة … فعند موعدي خبرت الدكتورة فوصفتلي حبوب والله ما أذكر اسمها …..
بس كنت اخذهم قبل لا آكل …. بنص ساعة … والعصر بعد اخذهم …. يعني مرتين في اليوم ؟
استشيري دكتورتج وما عليج إلا العااااااافيه ….. ؟
روحي الدختر خليها توصف لج حبوب او اي شي يهدي وضعج
قمت اشرب خل مال البيت الي ماما تسويه يروح اللوعه بس يسوي حموضه اوفر و يخمد الشهيه نهائيا ..
ماما تقول بعطيج طبيخه ما ادري يعده اونه زين هي يوم كانت حامل تشربها عشان اللوعه والدوخه بس ماعرف اخاف .
وتأكدي ان اللي تاخذينه ماله اضرار