شخبااركم ان شاء الله بخير
بصراحة هالموضوع ما كتبته الا لما شفت اني انا خلاص مب رايمة اتحمل الوضع اكثر من جي !
انا اسلوبي حلو ويا الناس ـ سلسة ومرحة واحب اضحك واسولف وطيييييييييييبة!
هالايام في اشياء وايد قامت تقهرني ـ اانا من النوع اللي احط في خاطري وايد وايد والله !!! وازعل واتضايج يوم ويومين وعقب اكمل حياتي اتنااااسى يعني ،، بس ما انسى !
بقوولكم في مواقف انا ابغي اتصرف فيها تصرف واوقف الناس عند حدودهم لانهم مستغلين طيبتي لابعد الحدود ويفرضون رايهم علي وانا ساااكتة ومتضايجة!
مثلا :
= في الدوام انا ااتعامل ويا واحد من شركة ثانية ـ واسلووووبه وايد وقح وقح بمعنى الكلمة ، انا سكت وايد عن اسلوبه ، يعني مثلا ذاك اليوم كان عندنا اجتماع بس عن طريق التلفون (كونفرنس كول ) وكنت اتكلم معاه بالزين ولا اشوفه يصاااارخ علي مرة وحدة وانا الصراحة سكت وسكت ورديت كلمته بالزين ويقولي انتي ما تفهمين وما دري كيف وانا تمييت سااااااكتة ، واخر شي خلص الميتنغ وكل واحد راح بحاله وانا سرت الحمام ومت من الصياااااح ! وما خبرت حد باللي صار
والمشكلة انه اسلوبه في الايميلات اخس منه ما شي ودوم يحسسني اني ما عرف شي ! مرة سألته سؤال بالايميل رد علي بروحج دوري عالاجااااابة ! والله تميت منقهرة مسؤولي شاف الايميل تضارب وياه قاله فلانة ما قالت شي بس سألت ومن حقك تجاوب عليها !
وعقب في اجتماع ثاني بعد نفس الشي ، تم يصارخ ويصارخ ، عقب انا سرت عند مسؤوولي قلتله السالفة جان مسؤولي كلمه وتضارب وياه مرة ثانية وكلم مديره قااله ما نبغي اي اجتماع مع هالشخص !
بس صراحة حسيت اني ألجأ لحد ثاني عسب يدافع عني 
ما عرف ادافع عن نفسي .!!
في الدوام احصل اهانات بطريقة غير مباشرة ، وانا ااتم ساكتة ـ لدرجة اني بصراحة مرات ابغي اخذ اجازة مسؤولي يفرض رايه ويقولي لااا لا تطلعين الحينة ، مع اني بالفعل محتااااااجة والله !
غير عن هذا اللي احصله في البيت والربع ، يعني بصراححة ربيعتي روح بالروح وايد وياها وهي تخبرني كل الاشياء ، في سالفة خبرتني انا ما عيبني بالمرة ! بس ما خبرتها وبس تميت متضاااايجة من هالشي / واسلوبي تغير معاها ، وعقب قلت بخبرها سرت خبرتها وقلتلها انتي بصراحة ما توقعت منج جي وهالحركة مب حلوة الصراحة وتميت انصحها ولا اشوفها تقولي اسكتي ما بي اسمع منج ولا كلمة ، وانا عقب انفجرت قلتلها لا بتسمعين يعني بتسميعين وهي كله تسكتني وتسكتني ، ابد ما حبيت هالحركة منها !! بس تضاايجت والله
ونفس الشي من اختي / دوم تسبني وتبا كل شي يمشي على رااايها ، يوم هي تسوي شي انا ما اقولها شي / بس لما انا اسوي شي تيلس تتحرطم وتخليني ما اسوى شي ! لبست لبس حلو ، حطمتني قالتلي انتي ما تعرفين تختاااااااااااارين ! حبطتني والله
وكله تيلس تهدد وصراحة يوم هي تهدد تسووي هالشي ،،بس نحن خوات لازم ما نكون جي ويا بعض ، على فكرة هي اصغر مني بعد
والله ما عرف كيف احطهم حدود ، خاصة اللي يسبوني واللي يصارخون علي اسلوبهم ما يعيبني بس اتضااايج واسكت عنهم @
غاليتي 
لجوءج لغيرج في شدة مب معناته ضعف منج ..
انتي تداومين في مكان مختلط ,, وترمسين ريال أجنبي عنج..
فعادي أختي توقعي منه اي شي !
وصراحة الريال ما يسكتـه غير الريال
وبالعكس أنا أنصحج إذا غلط عليج تلجئين لريال في الدوام مسؤول يتفاهم معاه ^_^
مب معناته ان شخصيتج ضعيفـة !
بس معناها انج لجأتي للإنسان المناسب حق الموقف المعين الي انتي فيه ..
القوة مب دايما أختي بالكلام
بالعكس مرات اذا سكتنا تقوينا
وإذا تصرفنا بحكمة وذكاء تكون قوتنا أكبر وأكبر ^^
وادعي له ربي يهديه ,, شرات ما يسوي بالناس بيستوي فيه
ورب العالمين على الظالم
الله يصلح امرنا ويهدينا للي فيه الخير
ونصيحـة أختي لو حصلتي شغل مب مختلط حتى براتب أقل لا تضيعينه
تشترين راحتج ورضى ربج
ومن يترك شيء لله يعوضه بخير منه
والسموحـة ^^
انا مرات اكون جذه
كل الي اقدر اقوله حاولي تغيرين اسلوبج ما اقصد كوني روود مثلا لا
بس الي بيكلمج بطريقة مب عدله بينيله بهدوء انه مب من حقه يسوي جذه دام انه اسلوبج زين
بس أنا أروح أسبح وأيلس تحت رشاش الماي وأصيح .gif "12 (1)")