كيف اخلي ولدي يودر اللهايه؟؟؟؟؟؟؟

مرحباً خواتي ولدي بيدخل العشر شهور وهو وايد متعلق في اللهايه أنا بس اعطيه إياها وقت الرقاد ومن يومين كان تعبان اسهال وزواع وانتو بكرامه وفطريات في حلجه فقالب الدكتور كله بسبب اللهايه مع أني محافظه على نظافتها بس قال الفطريات بسببها فكيف اخليه يؤدوها؟؟؟؟؟؟؟ هو بس متعلق فيها وقت الرقاد بس باقي الأوقات ما اعطيه يعني يرقد بها ؟؟؟؟؟ ساعدني عشان أفطمه عنها.

ما جربت لهايات لعيالي بس وحدة من صديقاتي من كثر ما كانت معصبة قامت وحرقت طرف اللهاية وتعرفين شكل السيليكون يوم يحترق ووقت ما شاف ولدها اللهاية خاف منها وتركها هههههه ، حاولي تحطين شي على اللهاية يكون طعمه مر أو اصبغيها بصبغة طعام أزرق عشان تلوع جبده منها والله يعينج

مشكوران خواتي بحاول أحط شي مر عليها والله يكون فالعون

قصي طرفها بمقص وبدون ما يشوفج ولدج ..
ويوم بيي وقت النوم بيشوفها وبينصدم ..
فبيضطر ايحط راسه وينام ..
هذي الطريقة اللي نفعت وياي ونفس الشي كانوا ياخذونها بس وقت النوم ..

مثل ما قالن الاخوات قصى من فوق بس لا يشوفج وعطيه مره مرتين وبيودرها المفروض من الشهر الثامن تفرينها الان الطفل كل ما كبر تعلق فيها اكثر