كيف اسجل في مدرسه التدريب حق السواقه

السلام عليكم ورحمه الله وبركاته

سرت اليوم فتحتلي ملف فالمرور .. حق الليسن ..

الحين بغيت اعرف شو الاجراءات التالية ..؟؟؟؟؟؟؟؟؟

للعلم انا من ابوظبي

اب ااب اااب اااب اااب

هلا اختي ………انا بقولج
بنفس اليوم الي فتحتي فيه الملف ..بتحجزين كلاسات(الدروس النظرية ..بتاخذينها في المبنى الجديد لهم في المرور…و اذا تبين المصفح تقدرين تروحين تدرسين هناك )قيمته تقريبااا …870 درهم ..هو تقريبااا اسبوع و اذا تبينه مكثف بيكون في اربعة ايام او ثلاث يعني باليوم ساعتين….

بعد ماتخلصين الدروس بنفس اخر يوم درس تحجزين للامتحان (امتحان على الكمبيوتر او تحريري..و للي ماتعرف تكتب يمتحنوها شفوي)…

و بيوم الامتحان اذا نجحتي .في المرور سيري المصفح..(او اسالي في المرور اذا يقدرون يحجزونلج مواعيد للعملي للمصفح) احجزي حق العملي

العملي على ما اعتقد 5مستويات ………اذا انتي تعرفين تسوقين….خذي موعد حق تحديد المستوى…بيمتحنوج و يحددون اي مستوى تدخلين…
و اذا ماعندج خبره خذي من الاول…(تقدرين تاخذين مكثف ..بتدفعين لهم زياده على كل حصه او حصتين 100زياده)

و بعد ماتخلصين المستويات..في امتحان الباركين هو اهم امتحان اذا نجحتي فيه يعطونج شهاده نجاح و تروحين فيها المرور للامتحان الشارع

يوم يحددون لج الامتحان تقريباا بيكون بعد شهر او شهرين من امتحان الباركين…………..اذا تبين تقربين الموعد سيري المرور …المكان الي درستي فيه بس قسم الرجال قولي للشرطي بيكون قاعد بالطاوله الاخيره ..انج تبين تقربين الموعد ……بيقربلج اياه بيخليه بعد اسبوعين او تسع الايام……..في هالفتره تدربي فيه
عند مدربات

ماااااااااااااا شاء اللـه حبيبتي مـاقصرتي .. كفيتي ووفيتي

يزاج الله خير

يعني يستوي اخذ الكلاسات في مبنى المرور ..؟؟؟؟؟؟؟
من الساعه كم لين كم .. ؟؟؟
مختلط ..؟؟
لازم انا اسير ولا عادي اطرش ريلي ,, ؟؟ و شو الاوراق الي يبونهـا حق الكلاسات ..؟؟
و سالفه الكلاسات كم بتكلفني تقريبا ..؟؟

المبنى الي سجلتي فيه عداله في مبنى صغير سالي عنه بيدلونج فيه كلاسات نظري ..خاص بالنساااء فقط
الفتره الصباحية (تقريباا من 7 او 6 لين 3 الظهر) ماعندهم مساء ….اذا تبين المساء سيري المصفح..(في بعد بالمصفح كلاسات نسائية يوم تسجلين اطلبي لانه نص البنات مايعرفون انه في خاص..

الكلاسات النظرية الدروس تقريبااا ب 870 …و الكلاسات العملي من المستوى الاول تقريباا 2024او3000و شي
ما اذكر…
و الاوراق تاخذين معاج نفس الاوراق الي فتحتي الملف فيها هاي الاوراق خليها دوووم معاج …
صورتين شخصية و صورة جواز احتياط
عادي ريلج يروح يسجل..مافيها مشكله و يختار التوقيت اذا صباحي في المرور او( مسائي في المصفح لازم يسير المصفح يسجل)
اذا بتسجلين في المساء بالمصفح خلي يسجلج مع الباص..و الباص يوقف في مبنى اتصالات الخالدية تقريباا بالاسبوع 100درهم روحه و رده …
(عندهم خدمه حلوة انج تحطين ايميلج او ايميل اي حد تعرفينه..مثلاا اذا كان عندج شي و ماتقدرين تحضرين الحصه طرشيلهم ايميل اكتبي فيه رقم الملف و اسمج و انج مابتحضرين ..حتى يكون عندهم خبر..او انج بتاجلين الموعد لتاريخ معين .لانه اذا ماخبرتيهم بتدفعين قيمت الدروس الي بتروح عليج..
و هم بيتصلون فيج و بيحددون لج موعد يديد)
اي شي انا في الخدمه ..و تقدرين تتواصلين بالخاص اذا الموضوع مستعجل