كيف اعرف اني طهرت بعد الاربعين

السلام عليكم بنات.
انا اليوم كملت 40 يوم الحمدالله كان ينزلي دم خفيف وبدا يخف واليوم وامس وقف وانا صارلي قبل اسبوعين من الاربعين هالشكل ورجع دم بعد اسبوع خفيف مرة ثاتية علا العلم اني راجعت دكتورة وقالتلي الرحم زين ودم خفيف جدا هل يعني خلاص طهرت محتارة حتا لا رحت الصالون ولا سويت شي شو تنصحوني وهل استخدم شي ينظف تحت احيانا احس شي ينزل نفس الماي والمنطقة تحت مرتضة وكيف اتجهز شو تسوي فالصالون هل حف وتشقير وحنا وبس وهل تنصحوني بحمام مغربي وتنظيف البشرة ما عندي وقت لازم اروح كذا يوم واخاف اتاخر علا البيبي

هلا بنات الله يخليكم فيدوني مب عارفة اغتسل ولا كيف ينزلي من كمن يوم افرازات بيضا مع دم بعدين مع شي بني بس يوم امسح تحت ما ادري شو ها بعد وبسبب بطني فيه الم وسرت المستشفى قالوا يمكن زايدة فما اقدر اشرب اشيا دافيه اخاف تاثر والحين اخذ مضاد بس اليوم شربت قرفة ورد الم بطني محتارة ساعدوني وادعولي

ولله ياكركر ودي اساعدج ولله ماعرف بروحي باجر بكمل الاربعين ولاااا طهرت مضايقه انزين لانه الدوره بتيج ولله ماعندي فكره

وعليكم السلام

حسب فتاوي الشيخ بن باز رحمه الله الدم بعد الاربعين دم فاسد لا يعتد به ، يعني تغتسلين وتصلين من تخلصين الاربعين. راجعي فتاوي الشيخ في النت .
ولا تنسين أحسبي كم صلاة فاتتج واقضيهن حسب الاستطاعة .والله يعافيج ويشفيج .

انا اللي اعرفه انه ممكن النفاس يستمر ٦٠ يوم انا كملت اليوم ٤٧ يوم بس ما اغتسلت قررت اليوم اغتسل وبصلي وكيف اقضي الصلاة وحتا لو نزلي دم اصلي عادي وكيف بالنسبة للجماع احيانا يوقف ما ينزل شي وريلي كل يوم يسألني وانا حاليا مريضة ولا سرت الصالون ولاشي

ولله ماعندي فكره !!!!! اللي عنده فكره دخيلكم خبروني انا اليوم 40