خواتي انا عندي بنوته عمرها شهر ونص ورضعها طبيعي بس ما اعرف اذا كانت شبعانة ولا لا لانها ترضع وقت قصير يمكن 3-5 دقايق وتوقف
ساعدوني وايد محتارة لانها بس طبيعي ترضع
عالعموم تعرفين البيبي اذا يشرب كفايه او لا عن طريق تبليل البامبرز و الخروج اذا كل شي طبيعي و وزنها زين خلاص لا تحاتين .. لأن اليهال شهيتهم تختلف من طفل لأخر .. في منهم يشربون بس كفايتهم و في منهم دام انج تعطينه يشرب في كل وقت … ف خليج في السليم ^_^ .. عطيها يوم تصيح بس .. و سوي الطريقه اللي قلت لج عنها ..
الله يخلي لج بنوتج و يحفظها من كل شر ..
انا ولدي بعد كان يشرب 5 دقايق ويوقف
وقريت فالكتاااب ان اليااهل يوم بيترك
وبترديين تحاوليين تعطيينه وان ماشرب ما يببا
يعني هو ما يبا
لان هوه يعرف اذا يوعان ولا لا مب نحن
واذا شربت 5 دقايق
ردي رفعييها خلييها تتجعد وردييها
اذا ما تبااا يعني شبعت ..
ويوم بتصييح ردي عطييها مافي مشكله